close
Եղանակը Երևանում
20 Նոյեմբերի 2018
+8°
+10°Ցերեկ
+1°Գիշեր
weather
close
Փոխարժեք
20 Նմբ 2018
USD1484.70
GBP1622.16
EUR1553.96
RUB17.38
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Անբարեխիղճ աշխատանքի հանդեպ կցուցաբերվի համարժեք վերաբերմունք. Արմեն Ամիրյան

Մշակույթ

24 Օգոստոսի 2017, 12:55
 Անբարեխիղճ աշխատանքի հանդեպ կցուցաբերվի համարժեք վերաբերմունք. Արմեն Ամիրյան

2017 թվականի ընթացքում իրականացվելիք վերականգնողական աշխատանքների մեկնարկից առաջ ՀՀ մշակույթի նախարար Արմեն Ամիրյանը երեկ հանդիպեց պատմամշակութային հուշարձանների մրցույթներում շահած կազմակերպությունների, ինչպես նաև տեխնիկական վերահսկողություն իրականացնող ընկերության պատասխանատուների հետ: Այս մասին տեղեկանում ենք մշակույթի նախարարության հասարակայնության հետ կապերի բաժնից:

Նա իր մտահոգությունը հայտնեց, որ վերականգնողական աշխատանքներն առայժմ չեն սկսվել: «Դա շատ վատ է, օգոստոսն ավարտվում է, աշխատանքների համար առջևում մնում են միայն սեպտեմբեր, հոկտեմբեր ամիսները, հավանաբար նաև՝ նոյեմբերի առաջին մի քանի օրերը: Ես արդեն կասկածում եմ, որ այդ ժամանակահատվածում դուք կհասցնեք իրականացնել աշխատանքի նախատեսված ծավալը»,-ասել է նախարարը:

Ներկաներին նախարարը նաև տեղեկացրել է, որ աշխատանքը սկսելուց հետո առնվազն երկու անգամ մինչև սեզոնի ավարտը լրագրողների, տեխնիկական վերահսկողների ուղեկցությամբ, անկախ հանձնախմբով այցելելու են շինարարության կետեր: «Դուք պարտավոր եք տեղում հաշվետվություն տալ լրագրողների ներկայությամբ, համապատասխան նյութերով՝ լուսանկարներով, տեսանյութերով ցույց տալ, թե ինչ աշխատանք է այնտեղ կատարվել: Անցյալ տարվա նախագծերում մենք արձանագրել ենք շինարարների անբարեխիղճ աշխատանքի բազմաթիվ դեպքեր: Համոզված եղեք՝ անբարեխիղճ աշխատանքի հանդեպ կցուցաբերվի համարժեք վերաբերմունք, շինարարի համարժեք պատասխանատվությամբ: Վստահեցնում եմ՝ անձամբ հետևելու եմ իրականացրած աշխատանքի որակին: Եթե այն չհամապատասխանի ակնկալվածին, ուրեմն մենք կխոսենք այլ՝ իրավական լեզվով: Ես խնդրում եմ՝ չափազանց նրբորեն և սրբորեն վերաբերեք այս ամենին, որովհետև խոսքը մեր պատմամշակութային ժառանգության մասին է»,-ասել է Ամիրյանը:

Նա նաև նշել է, որ այդ ժառանգության հետ այլ կերպ վարվելու իրավունք, քան մեր ծնողի հետ, պարզապես չունենք.«Եթե այսպիսին չի լինելու վերաբերմունքը՝ հենց հիմա ասեք՝ հրաժարվում ենք»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica