close
Եղանակը Երևանում
22 Հոկտեմբերի 2017
+16°
+19°Ցերեկ
+7°Գիշեր
weather
close
Փոխարժեք
22 Հոկ 2017
USD1481.93
GBP1633.83
EUR1569.16
RUB18.37
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պրոֆեսիոնալ բռնցքամարտում պետք է ավելի սառնասիրտ լինել. Արամ Ավագյան

Սպորտ

11 Օգոստոսի 2017, 17:50
 Պրոֆեսիոնալ բռնցքամարտում պետք է ավելի սառնասիրտ լինել. Արամ Ավագյան

Հայաստանի հավաքականի անդամ, Եվրոպայի առաջնության արծաթե մեդալակիր,2013 և 2015 թթ. Եվրոպայի առաջնության բրոնզե մեդալակիր, Ռիո-2016-ի Օլիմպիական խաղերի մասնակից Արամ Ավագյանն օրեր առաջ 4–րդ մենամարտն անցկացրեց պրոֆեսիոնալ ռինգում: Սոչիում տեղի ունեցած PUNCH boxing promotion-ի կազմակերպած պրոֆեսիոնալ բռնցքամարտի հերթական շոուի ընթացքում Արամը 4-րդ ռաունդում նոկաուտի ենթարկեց մրցակցին և տոնեց 4-րդ անընդմեջ հաղթանակը: ՀԲՖ մամուլի ծառայության հետ զրույցում Արամ Ավագյանը խոսել է վերջին մենամարտի, սիրողական բռնցքամարտը թողնելու, ինչպես նաև առաջիկա անելիքների մասին.

«Հակառակորդս բավականին փորձառու մարզիկ էր: Պրոֆեիսոնալ բռնցքամարտում 50-ից ավելի մենամարտեր էր անցկացրել: Տիրապետում էր մի շարք անթույլատրելի հնարքների, ինչը փորձի հաշվին կարողանում էր կիրառել ռինգի մրցավարի աչքից հեռու: Նախապես ուսումնասիրել էի նրան և գտել էի թույլ կողմերը, ինչի արդյունքում 4-րդ ռաունդում դադարեցվեց մենամարտը: 
Առաջիկա պլանների մասին դեռ ոչինչ չեմ կարող ասել, քանի որ քննարկման փուլում է: «Punch boxing promotion»-ի հիմնադիր Արամ Դավթյանի ու ՀԲՖ նախագահ Արթուր Գևորգյանի հետ դեռ քննարկում ենք առաջիկա մենամարտի հետ կապված հարցերը»: 
Խոսելով սիրողական բռնցքամարտից հեռանալու մասին, մեր մարզիկն ասաց. «Ինչպես յուրաքանչյուր պրոֆեսիոնալ մարզիկ, այդպես էլ ես սիրողական բռնցքամարտը թողնելու որոշումը կայացրել եմ Օլիմպիական խաղերից հետո: Դա ամենահարմար պահն է: Որպես այդպիսին պրոֆեսիոնալ բռնցքամարտում դժվարություն չկա, ավելի շատ հոգեբանական խնդիր էր: Պետք է հոգեպես պատրաստ լինես: Այստեղ ավելի շատ պետք է համբերատար և սառնասիրտ լինել, քանի որ ռաունդերի քանակը շատ է և պետք է ճիշտ կառուցես մենամարտը:

Հարցին, թե ինչպես է մոտիվացվում մենամարտերին, Արամ Ավագյանը պատասխանեց. «Հիմնականում լսում եմ հայրենասիրական երաժշտություն և այդ կերպ ոգևորում ինձ ու նախապատրաստվում մենամարտին: Հիշում են անցած ճանապարհս և մտածում, որ գործը պետք է հասցնեմ հաղթական ավարտին»:

ՃՏՊ` Դիլիջանի ոլորաններում
22 Հոկտեմբերի 2017, 18:20 ՃՏՊ` Դիլիջանի ոլորաններում
Օդի ջերմաստիճանը կբարձրանա
21 Հոկտեմբերի 2017, 17:50 Օդի ջերմաստիճանը կբարձրանա

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica