close
Եղանակը Երևանում
26 Սեպտեմբերի 2017
+17°
+26°Ցերեկ
+15°Գիշեր
weather
close
Փոխարժեք
26 Սեպ 2017
USD1477.89
GBP1646.20
EUR1567.97
RUB18.33
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մի բան կփոխվի. ապրիլյան պատերազմում զոհված Ազատի հայրը՝ նորածին որդու մասին

Հասարակություն

7 Օգոստոսի 2017, 11:44
 Մի բան կփոխվի. ապրիլյան պատերազմում զոհված Ազատի հայրը՝ նորածին որդու մասին

Ապրիլյան պատերազմում զոհված զինծառայող Ազատ Սիմոնյանի եղբոր՝ Արթուր Սիմոնյանի ծնվելու լուրն անտարբեր չի թողել ոչ ոքի:

Yerkir.am-ի հետ զրույցում Ազատի քույրը՝ Հռիփսիմեն, պատմեց, որ երեկ գիշերը հիվանդանոց են այցելել ապրիլյան պատերազմում զոհված այլ զինծառայողների ծնողներ՝ իրենց ընտանիքի հետ կիսելու ուրախությունը:

«Զոհված տանկիստ Նորիկ Գասպարյանի մայրն իմացել էր, որ Ազատին եղբայր է ծնվել, միանգամից եկել էին հիվանդանոց: Մենք նրանց չէինք ճանաչում, հաճելի էր նրանց այցը: Ծանոթ-անծանոթ եկել էին` մեզ շնորհավորելու»,- ասաց Հռիփսիմեն:

Նշենք, որ Ազատ Սիմոնյանը երկու քույր ունի: Արթուրը ծնվել է մյուս քրոջ՝ Ջեմմայի ծննդյան օրը:

«Չենք համակերպվում, որ մնացել էինք երկու քույրիկով: Ազատը մեր հանդեպ շատ ուշադիր էր, հիմա էլ մենք պետք է ուշադիր լինենք Արթուրի հանդեպ, մինչև նրան մեծացնենք»,- ասաց Հռիփսիմեն:

Մեզ հետ զրույցում Ազատի հայրը հայտնեց, որ նորածին որդին նման է Ազատին, իսկ երեխայի անունն ընտրել են քույրերը:

«Մի բան կփոխի երևի երեխան: Ազատն իր տեղն ուներ, Արթուրն էլ իր տեղը կունենա: Ինչ-որ բան կփոխվի երևի…»,- ասաց Ազատի հայրը՝ Քաջիկ Սիմոնյանը:

Հիշեցնենք, որ ապրիլյան պատերազմի հերոս, ժամկետային զինծառայող Ազատ Սիմոնյանը Կոտայքի մարզի Կամարիս գյուղից էր:

Կրակոցներ` Երևանում
25 Սեպտեմբերի 2017, 23:04 Կրակոցներ` Երևանում

yerkir.am

Ամենաշատ ընթերցվածները
Yandex.Metrica