close
Եղանակը Երևանում
26 Սեպտեմբերի 2017
+17°
+26°Ցերեկ
+15°Գիշեր
weather
close
Փոխարժեք
26 Սեպ 2017
USD1477.89
GBP1646.20
EUR1567.97
RUB18.33
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արմավիրի մարզպետի խորհրդականը մշտապես ճնշել ու ծեծել է կնոջը. ի՞նչ վարկածներ են շրջանառվում

Իրավունք

28 Հուլիսի 2017, 13:32
 Արմավիրի մարզպետի խորհրդականը մշտապես ճնշել ու ծեծել է կնոջը. ի՞նչ վարկածներ են շրջանառվում

Yerkir.am-ին նոր մանրամասներ են հայտնի դարձել Արմավիրի մարզպետի խորհրդական Մանուկ Սիմոնյանի սպանության դեպքի մասին:

Մեր տեղեկություններով՝ ամուսնու սպանության կասկածանքով ձերբակալված կինը մասնագիտությամբ բժշկուհի է:

Ընտանիքին ճանաչողները պատմում են, որ ամուսինը մշտապես բռնություն է կիրառել կնոջ նկատմամբ: Շրջանառվող տեղեկությունների համաձայն՝ վիճաբանությունների ժամանակ անգամ կնոջ գլխին եռման ջուր է լցրել, մազերը քաշել: Թե որքանով են այս լուրերը համապատասխանում իրականությանը, պարզ կլինի քննությամբ, սակայն այն, որ շատ արմավիրցիներ են պատմում ամուսնու դաժան վերաբերմունքի մասին, փաստ է:

Ընտանիքին ճանաչողներն այս գործով ձերբակալված սպանվածի որդուն՝ Նորիկ Սիմոնյանին նկարագրելիս էլ պատմեցին, որ նա պարկեշտ տղա է, ավարտել է Երևանի պետական համալսարանը և համակարգել է Armavir.am կայքը:

Շրջանառվում է նաև տեղեկություն այն մասին, թե իբր որդին մեծ պարտքեր է ունեցել և պարտատերերն այդ մասին հայտնել են հորը՝ Մանուկ Սիմոնյանին: Թե որքանով այս վարկածը կապ ունի սպանության դեպքի հետ, պարզ կլինի հետագայում:

Այս պահին հայտնի է նաև այն, որ կինը ցուցմունք է տվել և խոստովանել, որ ինքն է կացնահարել ամուսնուն:

Ավելի վաղ հայտնել ենք, որ հուլիսի 23-ին կինը ոստիկանություն հաղորդում է տվել և հայտնել որ ամուսինը տանից դուրս է եկել և չի վերադարձել: Հուլիսի 27-ին ձեռնարկված օպերատիվ-հետախուզական և քննչական միջոցառումների շնորհիվ պարզվել է, որ հուլիսի 22-ին Մանուկ Սիմոնյանի տանը 1970 թ. ծնված Ռ. Մ.-ն կացնով բազմաթիվ հարվածներ է հասցրել նրա գլխին և սպանել, այնուհետև սավանով փաթաթել, կապել և 1994 թ. ծնված Նորիկ ԴՍիմոնյանի հետ հուլիսի լույս 23-ի գիշերը, ժամը 4.00-ի սահմաններում, հանգուցյալին պատկանող «Մերսեդես Բենց» մակնիշի ավտոմեքենայով դիակը տեղափոխել են նշված վայր և թողնելով այնտեղ՝ հեռացել են:

Դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի հատկանիշներով, որով նախաքննությունը կատարվում է Արամավիրի մարզային քննչական վարչության վարույթում։

Կրակոցներ` Երևանում
25 Սեպտեմբերի 2017, 23:04 Կրակոցներ` Երևանում

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica