close
Եղանակը Երևանում
25 Նոյեմբերի 2017
-2°
+4°Ցերեկ
-2°Գիշեր
weather
close
Փոխարժեք
25 Նմբ 2017
USD1483.99
GBP1645.01
EUR1574.40
RUB18.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Չարբախցի Գեղամը թշնամական հարաբերություններ չի ունեցել Նորատուսցի Ալիկի հետ

Իրավունք

20 Հուլիսի 2017, 17:30
 Չարբախցի Գեղամը թշնամական հարաբերություններ չի ունեցել Նորատուսցի Ալիկի հետ

Քրեական հեղինակություն Նորատուսցի Ալիկի՝ Ալիկ Բանդուրյանի օժանդակությամբ Չարբախում Մուշեղ Մուշեղյանին սպանելու մեջ մեղադրվող Չարբախցի Գեղամ մականվամբ Պետրոս Իսրայելյանը նույնպես չի ընդունում իրեն առաջադրված մեղադրանքը: Իսրայելյանի պաշտպան Միհրան Պողոսյանի խոսքով՝ քրեական գործում չկա որեւէ ապացույց, որը կհիմնավորվի նրա առնչությունը տեղի ունեցած հանցագործությանը:

Պողոսյանը Yerkir.am-ի հետ զրույցում ասաց, որ Պետրոս Իսրայելյանը թշնամական հարաբերություններ չի ունեցել սպանված Մուշեղ Մուշեղյանի եւ այս գործով ամբաստանյալ Ալիկ Բանդուրյանի հետ:

«Ըստ մեղադրանքի՝ այս գործով առկա է հանկածակի առաջացած դիտավորություն սպանությունը կատարելու համար, սակայն այդ հանկարծակի առաջացած դիտավորությունը որեւէ փաստաբակական տվյալով չի հիմնավորվում»,-ասաց նա:

Պաշտպանի խոսքով՝ հանցագործության ենթադրյալ շարժառիթն աբսուրդի ժանրից է: «Իրականում առկա չէ Պետրոս Իսրայելյանի կողմից որևէ անձի վնաս պատճառելու շարժառիթ, իսկ այն, որ դիտավորությունն առաջացել է հանկարծակի՝ աբսուրդի ժանրից է: Դիտավորությունը չի կարող առաջանալ հանկարծակիորեն, այլ պետք է փաստական հանգամանքերով հաստատվի»,-ասաց նա:

Հիշեցնենք, որ դեպքը տեղի է ունեցել Իսրայելյանի ընտանիքին պատկանող Լիա գեղեցկության սրահում:

Միհրան Պողոսյանն այս կապակցությամբ ասաց, որ դատաքննության ընթացքում իրենց դիրքորոշումը կհայտնեն և կասեն, թե ինչպես են հայտնվել այդ վայրում: «Այսինքն, Պետրոս Իսրայելյանի կողմից հավաք կազմակերպված չի եղել»,-ասաց նա:

Հիշեցնենք, որ Պետրոս Իսրայելյանին մեղադրանք է առաջադրվել այն բանի համար, որ նա Մուշեղ Մուշեղյանին մորթելու, սատկեցնելու, մահակներով ոտքերը ջարդելու և այլ ձևերով վերջինիս առողջությանը մի խումբ անձանց հետ ծանր վնաս պատճառելն իրագործելու վերաբերյալ Ալիկ Բանդուրյանի հորդորների հետևանքով նրա մոտ այլ անձանց հետ համատեղ Մուշեղ Մուշեղյանի առողջությանը ծանր վնաս պատճառելու վճռականություն է առաջացել:

Այնուհետև, նախնական համաձայնության գալով, Գևորգ Ավետիսյանի և քննությամբ չպարզված անձանց հետ` խմբի կազմում, Ալիկ Բանդուրյանի օժանդակությամբ նա իրագործել է Մուշեղ Մուշեղյանի նկատմամբ պլանավորված հանցավոր ոտնձգությունը, սակայն, հանդիպելով Մուշեղ Մուշեղյանի զինված դիմադրությանը` անհրաժեշտ պաշտպանության համար ատրճանակով կրակոցներ արձակելուն, Մուշեղ Մուշեղյանի դիմադրությունը հաղթահարելու և այդ ժամանակ ծագած` Մուշեղ Մուշեղյանին սպանելու հանցավոր դիտավորությունն ավարտին հասցնելու նպատակով ապօրինաբար, ուղղակի դիտավորությամբ զրկել է կյանքից:

ՃՏՊ` Վանաձորում
24 Նոյեմբերի 2017, 23:34 ՃՏՊ` Վանաձորում
Թունավորում Ծիլքարում
24 Նոյեմբերի 2017, 15:11 Թունավորում Ծիլքարում

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica