close
Եղանակը Երևանում
20 Նոյեմբերի 2017
+6°
+13°Ցերեկ
+6°Գիշեր
weather
close
Փոխարժեք
20 Նմբ 2017
USD1486.78
GBP1644.89
EUR1574.01
RUB18.17
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նորատուսցի Ալիկը չի ընդունում առաջադրված մեղադրանքը

Իրավունք

20 Հուլիսի 2017, 17:00
 Նորատուսցի Ալիկը չի ընդունում առաջադրված մեղադրանքը

2016 թվականի նոյեմբերի 13-ին Չարբախում տեղի ունեցած` երկու անձի աղմկահարույց սպանության գործով ամբաստանյալ Ալիկ Բանդուրյանը՝ նույն ինքը քրեական հեղինակություն Նորատուսցի Ալիկը չի ընդունում իրեն առաջադրված մեղադրանքը: Բանդուրյանի պաշտպան Երեմ Սարգսյանը Yerkir.am-ի հետ զրույցում ասաց, որ քրեական գործում իր պաշտպանյալի մեղադրանքը հիմնավորող բավարար ապացույցներ չկան:

«Դատաքննության ընթացքում կհամոզվեք, որ այդ մեղադրանքն ուղղակի աբսուրդ է, և մեղադրանքը հիմնավորող ապացույցներ քրեական գործում չկան»,-նշեց նա:

Երեմ Սարգսյանի խոսքով՝ Ալիկ Բանդուրյանին առաջադրված հոդվածի որակումներն ուռճացված են:

«Սա երևի թե  այն մշտական պրոցեսն է, որ հնչեղություն ունեցող գործերով ծանր մեղադրանքներին հնարավորինս ծանր որակումներ պետք է տրվեն: Օրենքն ասում է՝ մեղադրանքն ապացուցող բավարար հիմքեր, ինչպիսիք այս գործով, չկան»,-ասաց նա:

Հարցին, արդյոք քրեական գործում առկա են գաղտնալսումներ, Երեմ Սարգսյանն ասաց.

«Քրեական գործում գաղտնալսումներ առկա են, դրան կանդրադառնանք դատաքննության ընթացքում: Սակայն, եթե ինչ-որ գաղտնալսում կա, դա գործի համար ապացույց չի կարող հանդիսանալ և ընդհանրապես չի կարող դրվել մեղադրանքի հիմքում»:

Նրա խոսքով՝ այս գործով նախաքննությունը գուցե թերի չի ընթացել քննչական գործողությունների առումով, բայց մեղադրանքի առումով խիստ թերի է:

Հիշեցնենք, որ այսօր Շենգավիթ վարչական շրջանի ընդհանուր իրավասության դատարանում պետք է մեկնարկեր այս գործով դատավարությունը, սակայն աշխատանքային ծանրաբեռնվածությունից ելնելով հնարավոր չէր եղել դատական նիստին ապահովել ամբաստանյալների ներկայությունը: Նիստին ներկա չէր նաև մեղադրող դատախազը: Հենց այդ հիմքով էլ այօրվա դատական նիստը հետաձգվեց մինչև աշուն:

Նշենք, որ Ալիկ Բանդուրյանը մեղադրվում է 2016թ. նոյեմբերի 13-ին Պետրոս Իսրայելյանին այլ անձանց հետ համատեղ Մուշեղ Մուշեղյանի առողջությանը դիտավորությամբ ծանր վնաս պատճառելուն դրդելու մեջ: Այսինքն` հորդորելու, շահագրգռելու եղանակով Պետրոս Իսրայելյանի մոտ Մուշեղ Մուշեղյանի նկատմամբ հանցավոր ոտնձգություն կատարելու վճռականություն է հարուցել, ինչպես նաև նույն օրը հանցավոր խմբին օժանդակել է պլանավորված հանցագործության անխոչընդոտ իրականացմանը` Մուշեղ Մուշեղյանի առողջությանը ծանր վնաս պատճառելու գործընթացը հեշտացնելու, հետևաբար դրա խոչընդոտները վերացնելու եղանակով:

Նշենք, որ բացի Նորատուսցի Ալիկից այս գործով ամբաստանյալի կարգավիճակում է նրա մտերիմ` Բդո մականունով հայտնի Արմեն Գասպարյանը և Չարբախցի Գեղամ մականունով հայտնի Պետրոս Իսրայելյանը:

Նորատուսցի Ալիկի և Չարբախցի Գեղամի նկատմամբ խափանման միջոց է ընտրվել կալանավորումը, իսկ Արմեն Գասպարյանի՝ Բդոյի նկատմամբ կիրառվել է գրավ:

Լավրովը Երևան է ժամանում
18 Նոյեմբերի 2017, 17:25 Լավրովը Երևան է ժամանում
Հրդեհ Արփի գյուղում
18 Նոյեմբերի 2017, 10:11 Հրդեհ Արփի գյուղում

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica