close
Եղանակը Երևանում
20 Նոյեմբերի 2017
+6°
+13°Ցերեկ
+6°Գիշեր
weather
close
Փոխարժեք
20 Նմբ 2017
USD1486.78
GBP1644.89
EUR1574.01
RUB18.17
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Լարված իրավիճակ Ֆիրդուսի տոնավաճառի մոտ. առևտրականները թույլ չեն տալիս ապամոնտաժել շուկան

Հասարակություն

19 Հուլիսի 2017, 12:32
 Լարված իրավիճակ Ֆիրդուսի տոնավաճառի մոտ. առևտրականները թույլ չեն տալիս ապամոնտաժել շուկան

Երեւանի քաղաքապետարանի աշխատակիցներն այսօր առավոտյան փորձել են ապամոնտաժել Ֆիրդուսի շուկան, սակայն աշխատակիցները և հարակից սեփական տների բնակիչները թույլ չեն տվել:

«Առավոտյան 6–ի կողմերը տրակտորը բերեցին, լարարը քաշեցին, որ երկաթները կտրեն, հելանք՝ չթողեցին»,-Yerkir.am-ին պատմեց տարածքի բնակիչներից մեկը և հավելեց, որ քաղաքապետարանի աշխատակիցները թույլ չեն տալիս տոնավաճառի աշխատակիցներին բացել իրենց տաղավարները:

Նշենք, որ կառավարության որոշմամբ՝ տարածքը հանրային գերակա շահ է ճանաչվել դեռ 2007-ին։ Քաղաքապետն այս տարվա հունիսին հայտարարել էր, որ ներդրողը սկսելու է շինարարական աշխատանքները, և ոլորտի պատասխանատուներին հանձնարարել էր բանակցություններ սկսել տեղի առևտրականների հետ՝ նրանց այլ վայրեր տեղափոխելու համար։ Հունիսի 19-ին, Երեւանի քաղաքապետարանում տեղի ունեցած աշխատանքային խորհրդակցության ժամանակ զեկուցվել էր, որ հունիսի 19-20-ը Ֆիրդուսի տոնավաճառի առեւտրականներին կտեղափոխվեն այլ տոնավաճառներ: 

Տոնավաճառի աշխատակիցները, սակայն Yerkir.am-ի հետ զրույցում պատմեցին, որ «Երևան» տոնավաճառ տեղափոխված իրենց գործընկերները դժգոհ են այնտեղի առևտրից և ստիպված վերադարձել են «Ֆիրդուս»:

«Ֆիրդուսից ահագին մարդ գնացել է «Երևան» տոնավաճառ, բայց հետ են եկել, որովհետև այնտեղ առևտուր չկա, բացի այդ ես այստեղ իմ հաճախորդներն ունեմ, մարդիկ տեղի համար էին գալիս Ֆիրդուս, իրենց էստեղ էր հարմար»,-Yerkir.am-ի հետ զրույցում ասաց տաղավարներից մեկում առևտուր իրականացնող Սիլվա Ներսիսյանը:

Նրա խոսքով՝ բացի այդ իրենք պայմանագիր ունեն կնքած, համաձայն որի՝ մինչև դեկտեմբեր կարող են առևտուր իրականացնել այդ տարածքում: «Շուկայի վաճառողները պայմանագրեր ունեն: Մինչև դեկտեմբեր պայմանագիր ենք կնքել մեզնից փող հավաքողի հետ, որ պետք ա չփակվի»,-ասաց նա՝ նշելով, որ շուտով ստիպված կլինի փակել իր տաղավարն ու հեռանալ:

Հանրային գերակա շահ ճանաչված տոնավաճառի տարածքի բնակիչներից Անահիտ Սաֆարյանն էլ մեզ հետ զրույցում պատմեց, որ արդեն իսկ իրենց հարևանների դեմ վտարման պահանջով դատական հայցեր են ներկայացրել:

Նրա խոսքով՝ 1 քմ-ի համար իրենց առաջարկում են 400-500 դոլար, մինչդեռ Երևանի 1 քմ-ն մոտ 1000 դոլար է: «Իրենց որոշումները հակասահմանադրական են, որովհետև հանրային գերակա շահ ճանաչված տարածքներում ոչ մի պետական կարիք չի եղել, այլ դրանով նպաստել են ինչ-որ մեկի բիզնեսին, ինչ-որ մեկին»,-ասաց նա:

Մանրամասները Yerkir.am-ի տեսանյութում:

Լավրովը Երևան է ժամանում
18 Նոյեմբերի 2017, 17:25 Լավրովը Երևան է ժամանում
Հրդեհ Արփի գյուղում
18 Նոյեմբերի 2017, 10:11 Հրդեհ Արփի գյուղում

Ամենաշատ ընթերցվածները
Yandex.Metrica