close
Եղանակը Երևանում
19 Հոկտեմբերի 2017
+6°
+16°Ցերեկ
+6°Գիշեր
weather
close
Փոխարժեք
19 Հոկ 2017
USD1481.50
GBP1633.85
EUR1565.52
RUB18.39
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Համայնքների խոշորացման գործընթաց պետք է ավարտվի 2019 թվականին

Քաղաքական

19 Հունիսի 2017, 16:57
 Համայնքների խոշորացման գործընթաց պետք է ավարտվի 2019 թվականին

Հայտնել ենք, որ գործադիր մարմինը հավանություն է տվել կառավարության ծրագրին, և այն կներկայացվի Ազգային ժողով: Հայտնի է, որ ԱԺ-ն ծրագիրը կքննարկի հունիսի 21-ին:

Ըստ ծրագրի`համայնքների զարգացման անհամաչափությունների նվազեցման նպատակով հանրապետությունում ձևավորվել և սկիզբ է առել մարզային ու համայնքային ներդրումային ծրագրերի իրականացման գործընթացը, որը պետք է կրի շարունակական բնույթ:

Եվ այսպես` տարածքային կառավարման բնագավառում ՀՀ կառավարությունը նախատեսում է մինչև 2017 թվականի ավարտն ընդունել ՀՀ մարզերի 2017-2025 թթ. զարգացման ռազմավարությունները և առաջին գործառնական ծրագիրը: Կարևորվելու է պետություն-համայնք-մասնավոր հատված գործընկերության մեխանիզմները:

Ծրագրով նախատեսվում է 2018-2022 թվականների ընթացքում շարունակել սահմանամերձ համայնքներում իրականացվող սոցիալական ու տնտեսական աջակցության ծրագրերը։

Կառավարության ծրագրում նշվում է, որ 2019 թվականին արդեն պետք է ավարտվի համայնքների խոշորացման գործընթացը, և անդրադառնում է, թե խոշորացման ծրագրին զուգընթաց ինչ փոփոխություններ պետք է իրականացվեն: Մասնավորապես`  նշվում է`խոշորացման գործընթացին զուգընթաց զարգացնել ներհամայնքային կանոնավոր ուղևորափոխադրումները:

Նախատեսվում է  ընդլայնել տեղական ինքնակառավարման մարմինների լիազորությունները: Այս համատեքստում պլանավորվում է` 2017-2022 թվականների ընթացքում հետևողականորեն ավելացնել համայնքի եկամուտների ընդհանուր ծավալում սեփական եկամուտների բաժնեմասը:

Կառավարությունը չի անտեսել և ծրագրում ներառել է, թե ինչ միջոցներով պետք է համայնքներում զարգացնել գործարարությունը: Նախատեսվում է ՀՀ տարածքներում գործարարության զարգացման նպատակով 2017-2022 թվականների ընթացքում պետական և ֆինանսական կառույցների հետ համատեղ անցկացնել դասընթացներ ներդրումային ծրագրերի մշակման և բիզնես-ծրագրերի արդյունավետության բարձրացման ուղղությամբ:

 

Դեբեդ գետում դի են գտել
18 Հոկտեմբերի 2017, 14:55 Դեբեդ գետում դի են գտել

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica