close
Եղանակը Երևանում
23 Հունիսի 2017
+15°
+26°Ցերեկ
+13°Գիշեր
weather
close
Փոխարժեք
23 Հնս 2017
USD1480.22
GBP1607.86
EUR1536.12
RUB18.04
close

ՀՀ, ք. Երևան Հանրապետության փ. 30

+374 10 52 15 01
news@yerkir.am yerkir.am@gmail.com
ՎԵՐԵՎ

«Կռվի դաշտում հավերժ ընկավ քո հերոս որդին». Արցախում զոհված Վարդանի հուզիչ գրառումը. լուսանկարներ

Հասարակություն

17 Հունիսի 2017, 13:50
 «Կռվի դաշտում հավերժ ընկավ քո հերոս որդին». Արցախում զոհված Վարդանի հուզիչ գրառումը. լուսանկարներ

Հայտնել ենք, որ երեկ Արցախում զոհված 20-ամյա զինծառայող Վարդան Սարգսյանը երաժիշտ էր, Ռոմանոս Մելիքյանի անվան պետական երաժշտական քոլեջի ուսանող: Մեր տեղեկություններով`Վարդանն առաջին կուրսից զորակոչվել էր բանակ: Yerkir.am-ի հետ զրույցում Վարդանի համակուրսեցիները պատմեցին որ նա լավ երաժիշտ էր, բազմակողմանի զարգացած տղա: «Շատ լավ անձնավորություն էր, դուդուկահար էր, լավ նվագում էր»,-նշեց մեր զրուցակիցը:

Նշենք, որ Վարդան Սարգսյանը Արագածոտնի մարզի Լուսագյուղ համայնքից էր:

Դեռևս նախորդ տարի Վարդանը սոցիալական ցանցի իր էջում հուզիչ գրառում էր կատարել. այն ներկայացնում ենք ամբողջությամբ.

«Զինվոր… Խավար մութ գիշեր էր հայոց աշխարհում, զինվորը մթին քայլում էր, երգում, իսկ մայրը անքուն մոմեր էր վառում, որդու վերադարձին լալիս, աղոթում: Մեկ օր հավքը խաբար բերեց իր սուրբ մայրիկին` կռվի դաշտում հավերժ ընկավ քո հերոս որդին, վերջին անգամ նամակ գրեց իր սուրբ մայրիկին, անուշ մայրիկին, քնքուշ մայրիկին: Արտասվում էր մայրը իր բալին գրկած, արյունը խոսում էր սրտից քարացած, բայց չէր կարող բուժել վերքերը խոցված. Խաբար, խաբար, խաբար, թռչուններ մեկ խաբրիկ բերեք կարած երազից, որ լույս չտեսավ աշունն իմ կյանքիս»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica