close
Եղանակը Երևանում
22 Սեպտեմբերի 2018
+16°
+23°Ցերեկ
+16°Գիշեր
weather
close
Փոխարժեք
22 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նվազագույն աշխատավարձ կսահմանվի, ուսուցիչների աշխատավարձերը կվերանայվեն. Լևոն Մկրտչյան

Հասարակություն

22 Մայիսի 2017, 16:58
 Նվազագույն աշխատավարձ կսահմանվի, ուսուցիչների աշխատավարձերը կվերանայվեն. Լևոն Մկրտչյան

Կառավարության` մայիսի 11-ի նիստում վարչապետ Կարեն Կարապետյանը ԿԳ նախարարի պաշտոնակատար Լևոն Մկրտչյանին հանձնարարեց ֆինանսների նախարարության հետ համատեղ երկամսյա ժամկետում մշակել հանրակրթական ուսումնական հաստատությունների ֆինանսավորման նոր բանաձև:

Yerkir.am-ի հետ զրույցում Լևոն Մկրտչյանը նշեց, որ այսօրվա ֆինանսավորման բանաձևից շահում են միայն մեծ թվով աշակերտներ ունեցող դպրոցները, նաև` քիչ թվով աշակերտներ ունեցողները, և համակարգում բացեր են մնում:

«Այսօր դպրոցները ֆինանսավորվում են` աշակերտների թվից ելնելով, և շահում են փոքր` 100-ից քիչ աշակերտ ունեցող դպրոցները, քանի որ կոնկրետ ֆինանսավորում են ստանում` անկախ աշակերտների թվից, և, բնականաբար, մի քանի հարյուր աշակերտներ ունեցողները: Սակայն մեր դպրոցների զգալի հատվածի աշակերտների թիվը 100-500-ի տիրույթում է, և այստեղ ֆինանսավորման բանաձևը սկսում է չաշխատել, և այդ դպրոցները թերֆինանսավորում են ունենում: Մարզպետերը ստիպված վերաբաշխում են կատարում և ինչ-որ տեղից ավելացած գումարները տեղաբաշխում են այստեղ: Հիմա մենք նոր բանաձև ենք մշակել և ֆինանսների նախարարության հետ կսկսենք աշխատել, որպեսզի ֆիքսենք ուսուցիչների բազային դրույքը»,- ասաց Մկրտչյանը:

Ըստ նրա` երբ ուսուցչի աշխատավարձը կապում ես աշակերտների թվի հետ, ստացվում է` նույն դրույքով ու նույն ժամաքանակով աշխատող ուսուցիչը Երևանում ստանում է մի գումար, իսկ մարզի ուսուցիչը` մեկ այլ գումար, քանի որ մարզերում աշակերտների թիվը քիչ է, և այս շարժունակությունը քանդում է դրույքով ֆինանսավորման սկզբունքը: Լուծումը, ըստ Մկրտչյանի, կլինի այն, որ իրենք ուսուցչի համար սահմանեն բազային ֆինանսավորման նվազագույն շեմ, և ըստ աշակերտների թվի` այն կարող է ավելանալ, բայց ոչ` պակասել: «Նման կերպ դպրոցներն էլ շարժառիթ կունենան, որ իրենց աշակերտների թիվն ավելանա:  Պետք է հավասար պայման ստեղծվի, և նվազագույն աշխատավարձ սահմանվի, քանի որ ուսուցիչը մեղավոր չէ, որ, ասենք, մտնում է «Ֆիզիկա» դասավանդելու մի դասարանում, որտեղ 10 երեխա է` մարզերի դեպքում, իսկ քաղաքում` 30 երեխա: Դրա համար էլ մենք ֆինանսավորման բանաձև ենք փորձում գտնել»,- ասաց Մկրտչյանը: 

Մահացել է Վիետնամի նախագահը
21 Սեպտեմբերի 2018, 10:12 Մահացել է Վիետնամի նախագահը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica