close
Եղանակը Երևանում
16 Նոյեմբերի 2018
+6°
+11°Ցերեկ
+5°Գիշեր
weather
close
Փոխարժեք
16 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

2017-ին ԵՏՄ երկրների փոխադարձ առևտուրն աճել է 34 տոկոսով. Տիգրան Սարգսյանը` Россия 24 -ի եթերում

Տնտեսական

27 Ապրիլի 2017, 12:32
 2017-ին ԵՏՄ երկրների փոխադարձ առևտուրն աճել է 34 տոկոսով. Տիգրան Սարգսյանը` Россия 24 -ի եթերում

Եվրասիական տնտեսական հանձնաժողովի կոլեգիայի նախագահ Տիգրան Սարգսյանը Россия 24 հեռուստաալիքի Мнение ծրագրում խոսել է ԵՏՄ աշխատանքի մասին:

Նա անդրադարձել է ԵՏՄ երկրների միջև արգելապատնեշների առկայությանը` նշելով, որ ներկայումս դրանք վերացնելու ուղղությամբ աշխատանքներ են տարվում:

«Մենք պարտավոր ենք ապահովել մեր երկրներում արտադրվող ապրանքների ազատ տեղաշարժը: Եվ եթե առաջանում են որոշ պատնեշներ, դրանք սահմանափակում են ապրանքների տեղաշարժը: Մեր հանձնաժողովը հայտնաբերել է դրանք: Դա մեզ համար կարևոր նախադեպ է, որովհետև մենք, այդպիսով, մեր աշխատանքը բաց ենք դարձնում, թափանցիկ, մեզ կարող են վերահսկել տնտեսվարող անձինք, որոնք մեզ դիմում են իրենց բողոքներով»,- ասել է Սարգսյանը` նշելով, որ եթե տնտեսվարողները տեսնում են, որ չեն կարողանում, օրինակ, ազատորեն վաճառել իրենց ապրանքն ընդհանուր շուկայում, դիմում են հանձնաժողովին:

Խոսելով ԵՏՄ աշխատանքի մասին` նա նշել է , որ 2017 թվականի հուլիսի 1-ից ԵՏՄ երկրները մտցնում են տրանսպորտային միջոցների էլեկտրոնային անձնագրերի միասնական համակարգ:

Սարգսյանը հայտնել է, որ 2017-ին ԵՏՄ երկրների փոխադարձ առևտուրը աճել է 34 տոկոսով` 2016-ի նույն ժամանակաշրջանի համեմատ, և կազմում է 7,4 մլրդ դոլար:

Բացի այդ, ըստ նրա, անդամ պետությունները` նախագահների մակարդակով, առաջնահերթ ուղղություն են այսօր հռչակել ինտեգրման խորացումը: «Եթե մենք ստեղծենք ընդհանուր շուկաներ, և այդ ամենն աշխատի, ակնհայտ է, որ նման տարածքում հայտնվել ցանկացողները շատ ավելի կլինեն: Այդ պատճառով դա առաջնահերթ ուղղություն է»,- ասել է Տիգրան Սարգսյանը:

Առավել մանրամասն` տեսանյութում:

Տեղումներ` թաց ձյան տեսքով
16 Նոյեմբերի 2018, 18:01 Տեղումներ` թաց ձյան տեսքով
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica