close
Եղանակը Երևանում
26 Մայիսի 2017
+11°
+23°Ցերեկ
+12°Գիշեր
weather
close
Փոխարժեք
26 Մայ 2017
USD1482.01
GBP1624.20
EUR1540.96
RUB18.56
close

ՀՀ, ք. Երևան Հանրապետության փ. 30

+374 10 52 15 01
[email protected] [email protected]
ՎԵՐԵՎ

Եթե հանրությունը չընդունի այդ ծրագրերը, կշարունակենք փնտրել այլ միջոցներ. Վիգեն Սարգսյան

Քաղաքական

21 Ապրիլի 2017, 11:16
 Եթե հանրությունը չընդունի այդ ծրագրերը, կշարունակենք փնտրել այլ միջոցներ. Վիգեն Սարգսյան

Այսօր մամուլի ասուլիսով հանդես եկավ պաշտպանության նախարար Վիգեն Սարգսյանը: Նա խոսեց «Ազգ-բանակ» ծրագրի առաջիկա անելիքների, ինչպես նաև ռազմական կրթության հեռանկարների մասին: Մատնանշելով ծառայության նոր կարգը և ռազմական կրթության նոր առաջարկները, որոնք երեկվանից դրվել են հանրային քննարկման, նա ասաց. «Կա և' ոգևորություն, և' սատարում, և' մարդիկ, ովքեր փորձում են այդ առաջարկներում գտնել բացասական բոլոր հնարավոր էլեմենտները: Ես շնորհակալ եմ և' նրանց, և' մյուսներին, որովհետև իրականում ես չեմ պնդում այս քաղաքականությունը: Ես առաջարկել եմ այդ ծրագրերը դնել հանրային քննարկման, բաց եմ քննարկումների համար, այդ ծրագրերը կքննարկվեն շահագրգիռ սուբյեկտների հետ, կանցկացվեն սոցհարցումներ, և եթե պարզ դառնա, որ այդ ծրագրերը անհրաժեշտ չեն, կշարունակենք փնտրել այլ միջոցներ, այլ եղանակներ»,- ասաց Վիգեն Սարգսյանը: 

Հիշեցնենք, որ երեկվանից ՊՆ-ն հանրային ուշադրությունը հրավիրել է երկու ծրագիր-առաջարկների վրա, որոնք կոչվում են «Պատիվ ունեմ» և «Ես եմ»: Ըստ այդ ծրագրերի` յուրաքանչյուր դպրոց առնվազն մեկ շրջանավարտի պետք է ուղարկի ռազմաուսումնական հաստատություն, բուհական տարկետումը պետք է կապվի ապագա սպայական ծառայության հետ: Հավատարմագրված բուհ ընդունված յուրաքանչյուր երիտասարդ իրավունք կունենա դիմելու ծրագրին` դառնալով սպայի կոչման հավակնող թեկնածու: Բացի այդ` նորակոչիկները, ովքեր կուզենան ծառայել մարտական հերթապահություն իրականացնող զորամասերում, իրավունք կստանան անցնելու ծառայության նոր տեսակի` ժամկետային-պայմանագրային` ստանալով փոխհատուցման լայն փաթեթ: Յուրաքանչյուր անգամ արձակուրդ գնալիս նրան կվճարվի որոշակի գումար` արձակուրդային ծախսերը հոգալու համար: Բացի այդ` ծառայության ավարտին նրա հաշվին կփոխանցվի 5 մլն դրամ, որը նա կկարողանա օգտագործել որպես ուսման վարձի փոխհատուցում կամ երկու այլ ծրագրում` մատչելի բնակարան և մինի ֆերմա:

Հետևելով քննարկումներին` նախարարը մատնանշեց այն կարծիքը, թե գումարը նպատակահարմար է կանխիկ տալ, այլ ոչ թե ցուցաբերել ծրագրային մոտեցում: Նա նշեց, որ պատրաստ է այդ տարբերակն էլ քննարկել, սակայն վստահ է, որ ծրագրային մոտեցման դեպքում այդ գումարի մուլտիպլիկատիվ արդյունքը ավելի մեծ կլինի:

Նրանք վերանշանակվեցին
25 Մայիսի 2017, 21:19 Նրանք վերանշանակվեցին

yerkir.am
Ամենաշատ ընթերցվածները
Yandex.Metrica