close
Եղանակը Երևանում
24 Ապրիլի 2017
+13°
+17°Ցերեկ
+8°Գիշեր
weather
close
Փոխարժեք
24 Ապր 2017
USD1484.51
GBP1619.83
EUR1518.72
RUB18.61
close

ՀՀ, ք. Երևան Հանրապետության փ. 30

+374 10 52 15 01
[email protected] [email protected]
ՎԵՐԵՎ

Բնակարանային ապահովման խնդիրը` ՊՆ ուշադրության կենտրոնում

Հասարակություն

21 Ապրիլի 2017, 10:34
 Բնակարանային ապահովման խնդիրը` ՊՆ ուշադրության կենտրոնում

Այսօր մամուլի ասուլիսով հանդես եկավ պաշտպանության նախարար Վիգեն Սարգսյանը: Նա ասուլիսից առաջ տեղեկացրեց, որ իր վաղեմի ընկերներն ու գործընկերները` ՀՀԿ-ականներ Արտակ Զաքարյանն ու Արտակ Դավթյանը, նշանակվել են պաշտպանության նախարարի տեղակալներ և արդեն լիարժեքորեն ներգրավված են նախարարության աշխատանքներում:

Ապա նախարարը խոսեց «Ազգ-բանակ» ծրագրի առաջիկա անելիքների, ինչպես նաև ռազմական կրթության հեռանկարների մասին:

Սոցիալական ծրագրերից նախարարը մատնանշեց զոհված զինծառայողների անօթևան ընտանիքներին բնակարան տրամադրելու խնդրի լուծումը: Խնդիր է դրվել մինչև 2019-ը ամբողջությամբ լուծել այդ հարցը:

«Բոլոր ջանքերը պետք է ներդնենք զոհված զինծառայողների ընտանիքների բնակարանային խնդիրը կարգավորելու համար: Մեծ աշխատանք կա անելու: Երկար տարիներ կատարվել է հերթագրում, բայց այդ հերթագրումը լիարժեք չի ուսումնասիրվել, ցուցակների որակը դժվարանում եմ այս պահին գնահատել, բայց պետք է համապատասխան բաշխել ռեսուրսները, հիմա մենք ակտիվ սկսել ենք զբաղվել այդ գործով: Նույն խնդիրը պետք է լուծվի առաջին կարգի հաշմանդամների համար, խոսքը վերաբերում է բնակարանային պայմանների բարելավմանը և անօթևան հաշմանդամների բնակարանների խնդրի լուծմանը»,- ասաց Վիգեն Սարգսյանը:

Երկրորդ հանձնարարականը բնակարանային խնդրի հետ է կապված, վերաբերում է ՊՆ ծառայողական բնակֆոնդին: Այսօր կա 1200 բնակարան, որտեղ ապրում են սպաները, և այդտեղ, նախարարի խոսքով, կա անարդարության տարր. պետք է անել ամեն ինչ, որ գոնե այս տարվա ընթացքում այդ բնակարանների կեսը սեփականաշնորհվեն սպաների կողմից, և նրանք կկարողանան լիարժեքորեն տնօրինել այդ բնակարանները:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica