close
Եղանակը Երևանում
17 Նոյեմբերի 2017
+6°
+13°Ցերեկ
+5°Գիշեր
weather
close
Փոխարժեք
17 Նմբ 2017
USD1486.78
GBP1644.89
EUR1574.01
RUB18.17
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ցանկանում եմ իմ ուժը, իմ գաղափարը, իմ դուխը դնել՝ հանուն մեր հայրենիքի. Անդրանիկ Կարապետյան

Քաղաքական

20 Մարտի 2017, 19:37
 Ցանկանում եմ իմ ուժը, իմ գաղափարը,  իմ դուխը  դնել՝ հանուն մեր հայրենիքի. Անդրանիկ Կարապետյան

ՀՅԴ ներկայացուցիչները նախընտրական քարոզարշավի շրջանակներում այսօր հանդիպում ունեցան Արմավիրի մարզի՝ Էջմիածին քաղաքի բնակիչների հետ: ՀՅԴ ռեյտինգային ցուցակով առաջադրված թեկնածու Անդրանիկ Կարապետյանն իր ելույթում ասաց՝ առաջադրվելով որպես պատգամավորի թեկնածու, ցանկանում է ապրել մեր պապերի երազած հայրենիքում, «Սասնա ծռեր» էպոսի գաղափարով հայոց արդարության երկրում:

«Հազարավոր տարիներ առաջ մենք ունեինք հայրենիք, որի հարևանները մեզ անվանում էին աստվածային երկիր, բայց չգիտես ինչու մենք կորցրեցինք այդ երկիրը՝ օբյեկտիվ և սուբյեկտիվ պատճառներով: Ես, որպես երիտասարդ անձնավորություն, որպես նոր ոգեղեն գաղափարների կրող, ցանկանում են իմ ուժը, իմ գաղափարը, իմ դուխը դնել՝ հանուն մեր հայրենիքի»,- ասաց Կարապետյանը: Նրա խոսքով՝ մեր երկրում բացակայում է արդարությունը, վստահության պակաս կա՝ սեփական իշխանությունների նկատմամբ և հիասթափություն: «Մարդիկ հիասթափված են իրենց երկրից, իրենց հարևաններից, բարեկամներից, բացակայում է սերն ու հարգանքը միմյանց նկատմամբ: Այսօր անկախ Հայաստանի պատմության ընթացքում առաջին անգամ հնարավորություն է ստեղծվել արդար, ազատ ընտրություններ կազմակերպել, որով պարզ կլինի՝ մենք կունենա՞նք որակյալ կառավարություն, խորհրդարան, թե՞ ոչ»,- նշեց նա՝ հավելելով. «Այդ ամենով է որոշվելու մեր երկրի վաղվա ճակատագիրը, որում պետք է ապրեն մեր երեխաները, մեր մայրերը, մենք»: «Մեր որոշումներից է կախված՝ մենք ինչ տեսակի հայրենիք ենք ունենալու, այսինքն՝ մարդիկ շարունակելո՞ւ են լքել իրենց հայրենիքը հանապազօրյա հաց ստեղծելու համար, թե՞ ոչ: Մենք հայ ենք, ամբողջ աշխարհում մեզ ճանաչում են ու գնահատում, միայն ինքերս մեր արժեքը չգիտենք»,- ասաց նա:

Կարապետյանն իր խոսքի վերջում մեջբերեց ԱՄՆ նախկին նախագահներից մեկի խոսքը, համաձայն որի՝ հայրենիքը պետք է սիրել այն ժամանակ, երբ այն թույլ է, հիվանդ և աղքատ, ոչ թե երբ այն հարուստ է և հզոր:

Այս բաժնի այլ նորությունները
Ամենաշատ ընթերցվածները
Yandex.Metrica