close
Եղանակը Երևանում
25 Հունիսի 2017
+27°
+30°Ցերեկ
+16°Գիշեր
weather
close
Փոխարժեք
25 Հնս 2017
USD1480.39
GBP1611.30
EUR1536.60
RUB18.07
close

ՀՀ, ք. Երևան Հանրապետության փ. 30

+374 10 52 15 01
[email protected] [email protected]
ՎԵՐԵՎ

Արտաշես Չիչոյանը հոգեպես անհավասարակշիռ վիճակո՞ւմ է գտնվել

Իրավունք

17 Մարտի 2017, 16:59
 Արտաշես Չիչոյանը հոգեպես անհավասարակշիռ վիճակո՞ւմ է գտնվել

Հայտնի լեզվաբան Փառանձեմ Մեյթիխանյանի ամուսնու՝ Եղիշե Խաչատրյանի սպանության գործով այսօրվա դատական նիստում գործով ամբաստանյալների պաշտպանները հերթական անգամ ինքնաբացարկ հայտնեցին նախագահող դատավոր Աննա Դանիբեկյանին: Վերջինս հերթական անգամ արգելեց լրագրողներին նիստի ընթացքում տեսանկարահանում իրականացնել՝ հիշեցնելով դատական նիստը 10 րոպեից ավելի չնկարահանելու վերաբերյալ իր որոշումը:

Դատավորին, ամենայն հավանականությամբ, նյարդայնացրեց այն հանգամանքը, որ պաշտպաններն ինքնաբացարկի միջնորդությունում թվարկում էին իր կողմից կատարված` քրեադատավարական նորմերի կոպիտ խախտումները, իսկ լրագրողներն այդ ընթացքում տեսանկարահանում էին:

Հիշեցնենք, որ նախորդ դատական նիստում պաշտպանները միջնորդել էին վերանայել տեսանկարահանումների սահմանափակման վերաբերյալ որոշումը, սակայն դատարանն այդ միջնորդությունը չքննեց:

Նախքան ինքնաբացարկի միջնորդությունը` ամբաստանյալ Արտաշես Չիչոյանի պաշտպան Միհրան Պողոսյանը միջնորդել էր դատարանին` իր պաշտպանյալի նկատմամբ ստացիոնար համալիր դատահոգեբուժական և դատահոգեբանական փորձաքննություն նշանակել: Պաշտպանի խոսքով՝ դեպքից երկու ամիս առաջ իր պաշտպանյալը դիմել է բուժօգնության՝ գանգատվելով դյուրագրգիռությունից, ձեռքերի դողից, քնի խանգարումից: Չիչոյանի մոտ ախտորոշվել է աստենոնևրոտիկ համաշխտանիշ, նշանակվել է դեղորայքային բուժում:

«Այս փաստական տվյալներն ուսումնասիրելուց հետո մեզ համար պարզ դարձավ, որ Արտաշես Չիչոյանը գտնվել է հոգեպես անհավասարակշիռ վիճակում, ինչն ակնհայտ է դեպքից դեռևս երկու ամիս առաջ տված ախտորոշումից»,- հայտարարեց պաշտպանը:

Նրա խոսքով՝ իր պաշտպանյալի նկատմամբ անհրաժեշտ է նշանակել դատահոգեբանական և դատահոգեբուժական փորձաքննություն: «Գործում առկա ապացույցներն ու փաստական տվյալներն ակնհայտորեն վկայում են այն մասին, որ մեղսագրվող արարքը կատարելու պահին Չիչոյանն առնվազն ունեցել է հոգեբույժի ախտորոշում և, դրանով պայմանավորված, եղել է հոգեպես խիստ լարված վիճակում, ինչը կարող էր ազդել նրա գործողությունների վրա»,- ասաց Պողոսյանը:

Դատավոր Աննա Դանիբեկյանը քննության չառավ միջնորդությունը՝ նշելով, որ միջնորդությունը քննության այս փուլում չի կարող քննարկվել: Նշենք, որ դատարանը դեռևս չի անցել դատաքննության փուլին:

Մինչ այժմ պաշտպանական կողմի ներկայացրած բոլոր միջնորդությունները, այդ թվում` էական նշանակություն ունեցող` ծածկանունով վկաների ցուցմունքներին ծանոթանալու վերաբերյալ միջնորդությունը դատարանը մերժել է: Հաշվի առնելով դատավորի անհիմն և չպատճառաբանված որոշումները` պաշտպաններն ինքնաբացարկ հայտնեցին նրան: Դատավորը, վերադառնալով խորհրդակցական սենյակից, երկրորդ անգամ մերժեց իր դեմ ներկայացված բացարկը:

Մանրամասները՝ Yerkir.am-ի տեսանյութում:

Երևանյան իժ ՝ Քասախում
24 Հունիսի 2017, 17:22 Երևանյան իժ ՝ Քասախում
Հարգելի ընթերցողներ
24 Հունիսի 2017, 16:05 Հարգելի ընթերցողներ

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica