close
Եղանակը Երևանում
24 Ապրիլի 2017
+15°
+17°Ցերեկ
+8°Գիշեր
weather
close
Փոխարժեք
24 Ապր 2017
USD1484.51
GBP1619.83
EUR1518.72
RUB18.61
close

ՀՀ, ք. Երևան Հանրապետության փ. 30

+374 10 52 15 01
[email protected] [email protected]
ՎԵՐԵՎ

Արթուրը տեղում կանգնող տեսակ չէ. օլիմպիական չեմպիոն Արմեն Նազարյան

Սպորտ

16 Մարտի 2017, 17:37
 Արթուրը տեղում կանգնող տեսակ չէ. օլիմպիական չեմպիոն Արմեն Նազարյան

Անկախ Հայաստանի առաջին օլիմպիական չեմպիոն՝ հունահռոմեական ոճի ըմբիշ Արմեն Նազարյանն  իր ֆեյսբուքյան էջում գրառում է կատարել.

«Իմացա, որ իմ լավ ընկերը՝ Արթուր Գևորգյանը, որոշել է կրկին մասնակցել Հայաստանի խորհրդարանական ընտրություններին: Անկեղծ ասած շատ ուրախ եմ էս լուրը լսելու համար՝ մի քանի պատճառով: Արթուրը տեղում կանգնող տեսակ չի, ձեռք բերածով բավարարվող չի: Նա միշտ ուզում է ավելին անել, կատարելագործվել, դա հատուկ է սպորտսմեններին:

Սպորտում հաջողության հասնել հնարավոր է միայն էդ սկզբունքներով ապրելու դեպքում: Ու դա տեղափոխել քաղաքականություն, նշանակում է պայքարի մեջ մտնել ու երբեք չբավարարվել արած աշխատանքով: Ես գիտեմ, թե ինչ հարգանք ունի Արթուրն իր թաղամասում: Ես գիտեմ, թե ինչ կարծիք ունեն իրա մասին իրա թաղամասից դուրս ապրող մարդիկ:

5 տարի առաջ, երբ Արթուրը ընտրվեց պատգամավոր, ես ափսոսանք ապրեցի, մտածելով, որ ժամանակի մեծ մասը կտրամադրի քաղաքական թեմաներին, իսկ ես շատ էի ուզում որ ինքը չհեռանա սպորտից:

Հետո երբ նա ընտրվեց բռնցքամարտի ֆեդերացիայի նախագահ, իմ ուրախությանը չափ ու սահման չկար: Ուրախացել էի ոչ թե միայն իր համար, Հայաստանի ու հայկական սպորտի համար, քանի որ արդեն որպես պատգամավոր Արթուրը հնարավորություն կունենար ավելի բարձր մակարդակով ներկայացնել սպորտում եղած խնդիրները:

Արթուրի հետ անցել ենք երկար ճանապարհ. միասին մասնակցել ենք Համաշխարհային օլիմպիադաների, ունեցել ենք փառահեղ հաղթանակներ, հուզմունքի ու հրճվանքի պահեր: Միշտ մեծագույն հպարտություն ու հաճույք եմ ապրել Արթուրին ներկայացնելով օտարազգի ծանոթներին ու ընկերներին: Դա շատ կարևոր բան է, երբ երկրիդ ներկայացնում է Արթուրի նման մարդը: Արթուր ջան, ախպեր ջան, քեզ հաջողություններ՝ քո բռնած ճանապարհին…

Մենք քեզ հետ ենք !!! »,-գրել է Օլիմպիական չեմպիոնը:

Հիշեցնենք, որ Արթուր Գևորգյանը ՀՀԿ ռեյտինգային ցուցակով պատգամավորության թեկնածու է առաջադրվել թիվ 2 ընտրատարածքում (Արաբկիր, Աջափնյակ, Դավիթաշեն):

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica