close
Եղանակը Երևանում
18 Սեպտեմբերի 2018
+23°
+26°Ցերեկ
+15°Գիշեր
weather
close
Փոխարժեք
18 Սեպ 2018
USD1484.37
GBP1635.69
EUR1565.50
RUB17.15
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանը Ձեր ղեկավարության ներքո կանցնի իր զարգացման այդ փուլը. Պուտինը խոսել է ԱԺ ընտրությունների մասին

Քաղաքական

15 Մարտի 2017, 15:35
 Հայաստանը Ձեր ղեկավարության ներքո կանցնի իր զարգացման այդ փուլը. Պուտինը խոսել է ԱԺ ընտրությունների մասին

Կրեմլում մեկնարկել է ՀՀ նախագահ Սերժ Սարգսյանի և ՌԴ նախագահ Վլադիմիր Պուտինի հանդիպումը:

ՌԴ նախագահ Վլադիմիր Պուտինը ողջույնի խոսքում նշել է, որ ապրիլի 3-ին երկրները կնշեն դիվանագիտական հարաբերությունների հաստատման 25-ամյակը, և այդ տարիների ընթացքում Ռուսաստանի և Հայաստանի միջև հարաբերությունները դաշնակցային են դարձել:

«Մենք ակտիվորեն համագործակցում ենք միջազգային կազմակերպություններում` գրեթե բոլոր ուղղություններով… Այդ տարիների ընթացքում շատ իրադարձություններ են տեղի ունեցել, սակայն Հայաստանի ու Ռուսաստանի միջև հարաբերությունները միշտ կառուցվել են դարերից եկած շատ խոր արմատների վրա»,- ասել է նա:

 Վլադիմիր Պուտինն անդարադարձել է նաև ՀՀ-ում ապրիլի 2-ին կայանալիք խորհրդարանական ընտրություններին: «Գործընթացը, հավանաբար, հեշտ չէ, սակայն վստահ եմ, որ Հայաստանը Ձեր ղեկավարության ներքո կանցնի իր զարգացման այդ փուլը: Մենք անկեղծորեն հաջողություն ենք մաղթում Ձեզ»,- նշել է նա` դիմելով Սերժ Սարգսյանին:

ՀՀ նախագահ Սերժ Սարգսյանը, իր հերթին, նշել է, որ այդ 25 տարիները սերտ համագործակցության շրջան են եղել, և երկրները հասել են իրապես դաշնակցային հարաբերությունների: «Այդ հարաբերությունների բնույթը միշտ թելադրում է օրակարգը: Վստահ եմ, որ այսօրվա հանդիպումը ևս բովանդակալից կլինի և կանցնի փոխադարձ վստահության մթնոլորտում»,- ասել է նա:

 

Երևանյան օրերի խրոնիկա
18 Սեպտեմբերի 2018, 17:38 Երևանյան օրերի խրոնիկա

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica