close
Եղանակը Երևանում
22 Օգոստոսի 2017
+30°
+36°Ցերեկ
+21°Գիշեր
weather
close
Փոխարժեք
22 Օգս 2017
USD1478.55
GBP1614.08
EUR1562.30
RUB18.10
close

ՀՀ, ք. Երևան Հանրապետության փ. 30

+374 10 52 15 01
[email protected] [email protected]
ՎԵՐԵՎ

Վարդան Պետրոսյանն ազատ արձակվեց

Իրավունք

13 Մարտի 2017, 11:26
 Վարդան Պետրոսյանն ազատ արձակվեց

Դերասան Վարդան Պետրոսյանն ազատ է արձակվել: Այս տեղեկությունը Yerkir.am-ի հետ զրույցում հաստատեց Պետրոսյանի փաստաբան Նիկոլայ Բաղդասարյանը՝ հերքելով այսօր տարածված այն տեղեկությունը, թե իբր նրա նկատմամբ համաներում է կիրառվել:

Փաստաբանի խոսքով՝ Վարդան Պետրոսյանը պայմանական վաղաժամկետ ազատ արձակվելու խնդրանքով դիմել էր «Նուբարաշեն» ՔԿՀ-ին, որից հետո ՔԿՀ-ն նիստ էր գումարել և դրական որոշում կայացրել: Այնուհետև «Անկախ հանձնաժողովը» դրական եզրակացություն էր տվել, իսկ դատարանը` որոշում կայացրել բավարարել վաղաժամկետ ազատ արձակվելու վերաբերյալ միջնորդությունը:

Բաղդասարյանի խոսքով՝ Վարդան Պետրոսյանն այսուհետ ազատ է և հանգիստ կարող է դուրս գալ ՀՀ տարածքից:

Հիշեցնենք, որ Վարդան Պետրոսյանն անազատության մեջ էր 2013թ. նոյեմբերից: Վարդան Պետրոսյանի մասնակցությամբ վթարը տեղի էր ունեցել 2013-ի հոկտեմբերի 20-ին Եղվարդ–Երևան ավտոճանապարհին: Դերասանին մեղադրանք էր առաջադրվել Քրեական օրենսգրքի 242-րդ հոդվածի 3-րդ մասով` ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ։

2015թ. հունվարի 29-ին Կոտայքի մարզի ընդհանուր իրավասության առաջին ատյանի դատավոր Վաղինակ Մկրտչյանի դատավճռով՝ Վարդան Պետրոսյանը դատապարտել էր 5 տարվա ազատազրկման և երկու տարով զրկվել տրանսպորտային միջոց վարելու իրավունքից։ 2015թ. սեպտեմբերից նա տեղափոխվել էր պատժի կրման բաց ռեժիմ։

Հրդեհ Դդմաշեն գյուղում
22 Օգոստոսի 2017, 19:55 Հրդեհ Դդմաշեն գյուղում

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica