close
Եղանակը Երևանում
17 Նոյեմբերի 2018
+6°
+11°Ցերեկ
+5°Գիշեր
weather
close
Փոխարժեք
17 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պատգամավորի ազգական գյուղապետը չի հերքում, որ միջադեպ է եղել

Քաղաքական

27 Փետրվարի 2017, 11:56
 Պատգամավորի ազգական գյուղապետը չի հերքում, որ միջադեպ է եղել

Փարպիի համայնքապետ Իշխան Առաքելյանը, ով պատգամավոր, պատգամավորության թեկնածու Բազմասեր Առաքելյանի ազգականն է, Yerkir.am-ի հետ զրույցում, անդրադառնալով երեկ տեղի ունեցած միջադեպին, նախ ամեն կերպ ջանաց հերքել, թե որեւէ բան է եղել, ապա մեր պնդող հարցին՝ ընդհանրապե՞ս ոչ մի միջադեպ չի եղել, հանկարծ ինչ-որ բան հիշեց և ասաց. «Հավաքի ժամանակ պարել են, պարելուց ինչ-որ բան է եղել: Մենք ասացինք, չէ՞, որ էդ օրը մենք հավաքի ենք եղել: 200 հոգով հավաքվել էինք, էդ ա եղել: Ի՞նչ ա եղել, մարդ են տարբեր գյուղերից եկել էին, միջադեպ է եղել»:

Հարցին` որտե՞ղ է եղել «հավաքը», Առաքելյանն ասաց. «Ռեստորանում` «Դելնավույի ձոր» են ասում, ի՞նչ են ասում: Մարդ են, պարելուց մի բան ա եղել, է հետո՞, դրանից սարքել են եսիմ ինչ»:

Իսկ թե ո՞ւմ միջև է միջադեպը եղել, գյուղապետը դժվարացավ պատասխանել. «Ես ի՞նչ իմանամ, 200 հոգի հավաքված էին, ի՞նչ իմանամ` ում միջև ա միջադեպ եղել»:

Բազմասեր Առաքելյանը շարունակում է համառել, թե միջադեպ չի եղել. «Ես կռիվ ծեծկռտուք, քաշքշուկ տենց բան արել եմ 10 տարի առաջ` ըմբշամարտի գորգի ռինգի մեջ»:

Հիշեցնենք, որ երեկ լրագրող Գեղամ Մանուկյանը ֆեյսբուքյան իր էջում գրել է, որ ԱԺ ԲՀԿ խմբակցության պատգամավոր, այժմ ՀՀԿ ցուցակով ռեյտինգային թեկնածու Բազմասեր Առաքելյանի մի քանի տասնյակ կողմնակիցներ Առաքելյանի տուն են հրավիրել համագյուղացիներից մեկին ու, տեղեկանալով, որ նա քվեարկելու է Դաշնակցության օգտին, ծեծի են ենթարկել նրան:

Yerkir.am-ը շարունակելու է հետեւել զարգացումներին:

Ի՞նչն ենք պաշտպանում...
16 Նոյեմբերի 2018, 21:45 Ի՞նչն ենք պաշտպանում...
Տեղումներ` թաց ձյան տեսքով
16 Նոյեմբերի 2018, 18:01 Տեղումներ` թաց ձյան տեսքով
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica