close
Եղանակը Երևանում
18 Նոյեմբերի 2018
+0°
+7°Ցերեկ
+0°Գիշեր
weather
close
Փոխարժեք
18 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռոբերտ Պետրոսյան - 80. Հոբելյանական երեկո

Մշակույթ

21 Դեկտեմբերի 2010, 01:45
 Ռոբերտ Պետրոսյան - 80. Հոբելյանական երեկո

Կիրակի օրը Արամ Խաչատրյան համերգասրահում անցկացվեց կոմպոզիտոր Ռոբերտ Պետրոսյանի 80-ամյակին նվիրված հանդիսություն: Ներկայացվեց կոմպոզիտորի ստեղծագործական ուղին, ցուցադրվեց նրան նվիրված վավերագրական ֆիլմ: Համերգային մասում ներկայացվեց նրա ստեղծագործությունները:

 

Ռոբերտ Պետրոսյանը ծնվել է 1930 թ. Երեւանում: Ուսանել է Երեւանի պետական կոնսերվատորիայում: Աշխատանքային գործունեությունը սկսել է Գ.Սունդուկյանի անվան ակադեմիական թատրոնում, նախ որպես շեփորահար, այնուհետեւ երաժշտական մասի ղեկավար եւ դիրիժոր: 1960-ից ստեղծել է մի շարք էստրադային, ժողովրդական համույթներ եւ նվագախմբեր` արժանանալով հանրապետական եւ համամիութենական պատվոգրերի:

 

Զուգահեռաբար զբաղվել է մանկավարժական գործունեությամբ: 1979-ին հիմնադրել է եւ մինչեւ 1986 թ. ղեկավարել Հանրային Ռադիոյի եւ Հեռուստատեսության «Արեւիկ» մանկական վոկալ-գործիքային անսամբլը: 1986-1995թթ. նրա գործունեությունը ծավալվել է Ա.Մերանգուլյանի անվան ժողողովրդական գործիքների անսամբլում` որպես դիրիժոր: 1995-ին ստեղծել է ՀՀ Պաշտպանության նախարարության Սպայի Տան «Էլեգիա» էստրադային համույթը: Կյանքի վերջին տարիներին նա ղեկավարել է Մայր Աթոռ Ս. Էջմիածնի Արարատյան Հայրապետական Թեմի Հայորդյաց տների գեղագիտական կենտրոնի երաժշտական խորհրդատուն: Ռ. Պետրոսյանը ԽՍՀՄ Կոմպոզիտորների միության անդամ է 1972-ից:

 

Ստեղծագործել է ամենատարբեր ժանրերում` սիմֆոնիկ, փողային, ժողովրդական, վոկալ եւ գործիքային, էստրադային: Հեղինակի թվով 77 ստեղծագործություն արժանացել ԽՍՀՄ եւ հանրապետական մրցույթների մրցանակների: 300-ից ավելի հեղինակային եւ 300 մշակված եւ գործիքավորված ստեղծագործություններ համալրել են Ազգային Ռադիոյի ձայնադարանը: Ռ.Պետրոսյանը հանդիսացել է ՀՀ Ռադիոկոմիտեի գեղխորհրդի անդամ, ՀՀ Մշակույթի նախարարության մեթոդական կենտրոնի անդամ, Հայաստանի Երգչախմբային ընկերության պատվավոր անդամ, 1995-ին արժանացել է ՀՀ ՊՆ Ոսկե Հուշամեդալի:

 

Լուսանկարները` Անդրանիկ Լավչյանի



 
   
   

Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
Հարցեր՝ Իշխան Սաղաթելյանին
17 Նոյեմբերի 2018, 11:12 Հարցեր՝ Իշխան Սաղաթելյանին
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica