close
Եղանակը Երևանում
16 Նոյեմբերի 2018
+11°
+11°Ցերեկ
+5°Գիշեր
weather
close
Փոխարժեք
16 Նմբ 2018
USD1487.27
GBP1622.97
EUR1549.69
RUB17.31
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«28:94. տեղական ժամանակով». ֆիլմն աշխարհի լավագույն կինոթանգարանում կմնա

Մշակույթ

11 Հուլիսի 2016, 11:59
 «28:94. տեղական ժամանակով». ֆիլմն աշխարհի լավագույն կինոթանգարանում կմնա

Դավիթ Սաֆարյանի «28:94. տեղական ժամանակով» խաղարկային ֆիլմն ընդգրկվել է «Ոսկե ծիրան» կինոփառատոնի «Հայկական համայնապատկեր. ազգային մրցույթ» անվանակարգում: Ֆիլմը համատեղ արտադրություն է՝ Գերմանիայի և Հոլանդիայի հետ:

Այսօր՝ լրագրողների հետ հանդիպման ժամանակ, Սաֆարյանը նշեց, որ ֆիլմի դեպքերն ընթանում են 1990-ականներին, և կան շատ մութ կադրեր, բայց` լույսի պոտենցիալով: Ֆիլմը, առհասարակ, ըստ կինոռեժիսորի, լուսավոր է:

«Ֆիլմի ասելիքն այն է, որ երբ ապրելու պայմաններն անմարդկային են լինում, դժվար է մարդկային դեմքը պահպանել, սակայն մեզ հաջողվել է մութ ու ցուրտ տարիներին չկորցնել մեր դեմքը: Ինձ հաճախ են հարցնում, թե ինչո՞ւ եմ ֆիլմը կոչել «28:94. տեղական ժամանակով», և պատասխանը մեկն է՝ ժամանակից դուրս է այն, ինչ կատարվում է ֆիլմում»,- ասաց Սաֆարյանը:

Նա նշեց նաև, որ ֆիլմը Հայաստանում երկար կյանք չի ունեցել՝ երեք շաբաթ է ցուցադրվել, սակայն դրսում ավելի շատ են նայել, քան Հայաստանում: Պատճառը, ըստ ռեժիսորի, այն է, որ ֆիլմը չի գովազդվել:

Սաֆարյանը տեղեկացրեց նաև, որ ֆիլմն արդեն իսկ ձեռք է բերել Հոլանդիայի կինոթանգարանը: «Ես գիտեմ՝ ես չեմ լինի, բայց ֆիլմն աշխարհի լավագույն կինոթանգարանում կմնա: Կուզեի՝ ֆիլմը շատ նայեին, քանի որ այն պատմում է, թե ով ենք մենք, որտեղից ենք գալիս և ուր ենք գնում»,- ասաց նա:

Ֆիլմում նկարահանվել են Յանա Դրուզը, Աշոտ Ադամյանը, Հեղինե Հովհաննիսյանը, Կարեն Ջանիբեկյանը, Վիգեն Ստեփանյանը, Հարություն Մովսիսյանը, Հրաչյա Հարությունյանը... Ի դեպ, ֆիլմի պրեմիերան տեղի է ունեցել Էստոնիայում՝ Տալլինի միջազգային կինոփառատոնի շրջանակներում:

ԱԺ նիստն` ուղիղ
16 Նոյեմբերի 2018, 10:24 HES_VIDEOԱԺ նիստն` ուղիղ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica