close
Եղանակը Երևանում
25 Սեպտեմբերի 2018
+15°
+27°Ցերեկ
+15°Գիշեր
weather
close
Փոխարժեք
25 Սեպ 2018
USD1482.27
GBP1632.79
EUR1567.63
RUB17.31
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պետականություն ու երկիր կորցնում են` աղքատի մտածելակերպ ունենալով

Հարթակ

24 Հունիսի 2016, 15:58
 Պետականություն ու երկիր կորցնում են` աղքատի մտածելակերպ ունենալով

«Ֆեյսբուք» սոցիալական ցանցում «պատկերացնում եմ` ինչ գումարներ են ծախսվելու» կարգի գրառումների հանդիպեցի: Օգտատերերը նկատի ունեն Հռոմի պապի այցի հետ կապված ծախսերը:

Սա արդեն մարազմ է: Սրանով ի՞նչ խնդիր են ուզում բարձրացրած լինել: Այս մարդիկ չե՞ն պատկերացնում` ինչ ասել է` պետություն, ինչ ասել է` պետականություն, ինչ ասել է` երկիր: Ի՞նչ է, ոչ ոք չգա՞ Հայաստան: Ոչ մի երկրի ոչ մի ներկայացուցիչ չգա՞ Հայաստան, ինչ է, թե գումար չծախսվի: Իրականում այսպիսի մտքերը շատ վտանգավոր են մեր երկրի համար:

Սա խոսում է այն մասին, որ մենք դեռ չունենք բավարար գիտակցություն ու պատկերացում պետականության մասին: Սրա շուրջ է պետք մտածել: Պետականություն ու երկիր կորցնում են` նման` աղքատի մտածելակերպ ունենալով: Հիմա եմ հասկանում, թե որտեղ են թաքնված այն վախերը, թե տարածք ենք զիջելու:

Ընդ որում` մեր պաշտոնական աղբյուրները հերքում են այդ լուրերը, բայց մենք հավատում ենք թշնամու վարկածին: Ի՞նչ է դա, եթե ոչ պետականության նկատմամբ անարգանք: Շուրջներս տեղի ունեցող ամեն ինչ չէ, որ վատ է: Հռոմի պապի այցը շատ կարևոր ու դրական իրադարձություն է Հայաստանի համար:

Պետք չէ մտահոգվել ծախսվող գումարների մասին, պետք է հաշվի առնել այն առավելությունները, որ կտա նրա այցը մեր երկրին: Հենց միայն այն, որ հիմա ամբողջ աշխարհի ուշադրությունը սևեռվելու է Հայաստանի վրա, արդեն իսկ դրական է, եթե ուրիշ ոչ մի հանգամանք հաշվի չառնենք: Ի վերջո, պատկերացրեք` Հռոմի պապը Հայաստան չի գալիս, ոչ մի երկրի ներկայացուցիչ Հայաստան չի գալիս, մենք մեզ համար, այսպես ասած` գլուխներս կախ ապրում ենք, ու ամենակարևորը` փող չի ծախսվում: Պատկերացրեցի՞ք, սարսափելի է, չէ՞:

 Ամալյա Առաքելյան

yerkir.am
Ամենաշատ ընթերցվածները
Yandex.Metrica