close
Եղանակը Երևանում
23 Սեպտեմբերի 2018
+19°
+23°Ցերեկ
+13°Գիշեր
weather
close
Փոխարժեք
23 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ախլաթյանի կենտրոնում գյուղացիները սպասում են, որ 43-ամյա գյուղապետի մարմինը բերեն

Հասարակություն

5 Ապրիլի 2016, 11:32
 Ախլաթյանի կենտրոնում գյուղացիները սպասում են, որ 43-ամյա գյուղապետի մարմինը բերեն

Արդեն տեղեկացրել ենք, որ Մարտակերտի ճանապարհին ռմբակոծության է ենթարկվել Սիսիանի ջոկատի ավտոբուսը: Տարբեր տեղեկությունների համաձայն` զոհերի թիվը հասնում է 6-8-ի: Զոհվածների թվում են նաև Դարբասի գյուղապետ Մայիս Միրզոյանը, Ախլաթյան գյուղի գյուղապետ` 43-ամյա Արմեն Բեգլարյանը:

Ախլաթյանի գյուղապետարանի աշխատակազմի ղեկավար Աշոտ Գևորգյանը Yerkir.am-ի հետ զրույցում հայտնեց, որ երեկ իրենք մի քանի գյուղացիներով գնացել են Սիսիանի զինվորական կոմիսարիատ, որտեղ էլ տարբեր տվյալներ են հաղորդել դեպքի մասին:

«Ասում էին` իբրև իրենք վիլիսի մեջ են եղել երեկ, հետո ասացին, որ անօդաչու սարքով է խփվել կամավորներին տանող մեքենան: Հետո էլ պարզվեց, որ ավտոբուս է եղել, թե ի՞նչ տիպի ավտոբուս է եղել, ու ովքե՞ր են եղել ավտոբուսում, չգիտենք: Ասացին, որ ութ մահացած կա, որոնցից  մեկը ղափանցի ա, յոթը` սիսիանցի: Հետո լրատվամիջոցների կողմից տեղեկացանք, որ հինգ հոգի է մահացել, հետո ավելի ուշ ժամի հաղորդվեց, որ զոհերի թիվը հասել է 7-ի»,- ասաց նա:

Գյուղապետարանի աշխատակիցը պատմեց նաև, որ իրենք կոնկրետ տվյալներ չունեն, թե ովքեր են մահացածներին ու վիրավորներին տարածքից հանել: «Գյուղապետի մարմինը դեռ գյուղ չեն բերել, սպասում ենք, ջահելները գյուղի կենտրոնում սպասում են: Ասում են` Գորիսում են դեռ: Սպասում ենք, որ դիմավորենք: Երևի երկրապահների  ու ոստիկանների կողմից է այդ տեղափոխությունն իրականացվում»,- ասաց մեր զրուցակիցը և հավելեց. «Մեր գյուղապետը 1973 թիվ էր, ամուսնացած  չէր: Մենք անընդհատ ասում էինք` ամուսնացի, ինքն էլ  ասում էր, որ հաստատ 2016 թվականին պետք է ամուսնանա,  էն էլ էդ դեպքն եղավ: Նա ապրում էր 90-ամյա մոր հետ»:

 

Սպասվում է անձրև և ամպրոպ
22 Սեպտեմբերի 2018, 18:02 Սպասվում է անձրև և ամպրոպ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica