Բակո Սահակյան. «Անցյալը վերադարձնելու ցանկացած փորձ հղի է անկանխատեսելի հետեւանքներով» 02.07.2010 17:05 Երեւան (Երկիր) - Ադրբեջանի ապակառուցողական քայլերը հակամարտության կարգավորման ամենամեծ խոչընդոտն են, իսկ այն, որ Բաքվի կողմից հրադադարի ռեժիմի խախտման դեպքերը համապատասխան գնահատական չեն ստանում միջազգային հանրության կողմից, ավելի է կոշտացնում Ադրբեջանի դիրքորոշումը. ԵԱՀԿ ՄԽ համանախագահներ Իգոր Պոպովի եւ Ռոբերտ Բրադկեի հետ հանդիպման ժամանակ ասել է ԼՂՀ նախագահ Բակո Սահակյանը: Ինչպես տեղեկացնում է ԼՂՀ նախագահի աշխատակազմի տեղեկատվության գլխավոր վարչությունը, ԼՂՀ նախագահը դարձյալ հայտարարել է, որ Արցախի անկախությունն ու անվտանգությունը սակարկության առարկա չեն, եւ անցյալը վերադարձնելու ցանկացած փորձ հղի է անկանխատեսելի հետեւանքներով: Բ. Սահակյանը մեկ անգամ եւս հաստատել է Արցախի հավատարմությունը ԵԱՀԿ Մինսկի խմբի շրջանակներում հակամարտության խաղաղ կարգավորման գործընթացին եւ նշել, որ այն խեղաթյուրելու եւ փոփոխելու փորձերը միայն բացասական ազդեցություն կունենան բանակցային գործընթացի վրա: Նա կարեւորել է բանակցություններին Արցախի լիիրավ մասնակցության անհրաժեշտությունը: Համանախագահները համաձայնել են այդ պնդման հետ` նշելով, որ դա միայն ժամանակի խնդիր է: Երկուստեք նշվել է, որ հակամարտության կարգավորման ուժային տարբերակը բացարձակապես անընդունելի է:  Օրվա լուրեր ՈՒՄՎ-ն ընդունել է Հայաստանին վերաբերող երկու բանաձեւ Կիրո Մանոյան. «Ղարաբաղի հարցը Քլինթոնի այցով չէ, որ պետք է կարգավորվի» 2015 թվականը` արդարության հաստատման սահմանագիծ Քննարկվել է եվրոպական խորհրդարանական կառույցներում Հայաստանի պատվիրակությունների աշխատանքը Ադրբեջանական «սեւ ցուցակը» հավանորեն համալրվելու է նոր անուններով Ադրբեջանը նախագահների հայտարարությունը խաղաղ համաձայնագրի հիմք է համարում Ռուսաստանցի համանախագահը հայտարարել է, որ ԼՂ կարգավիճակը պետք է որոշվի ժողովրդավարական ճանապարհով Որեւէ ուժ չի կարող արգելել Արցախի ժողովրդին պայքարել հանուն ապրելու, ազատության եւ անկախության իրավունքի Արամ Համբարյան. «Ամենաճիշտ քայլը, որ Քլինթոնը կարող է անել, Հայոց ցեղասպանության զոհերի հուշահամալիր այցելելն է» ԵԱՀԿ ՄԽ համանախագահները Ստեփանակերտում են