Հրատապ լուրեր
ՀՀ ղեկավարությունը միշտ պետք է աչքի առաջ ունենա Ռուսաստանի հետ կապվելու երկրորդ ճանապարհի հարցը. Վազգեն ՍաֆարյանՏարեցտարի երկաթգծով բեռնափոխադրումների ծավալները նվազում են:Սեյրան Օհանյանն այցելել է ականի պայթյունից վիրավորված զինծառայողներինՍեպտեմբերի 1-ին ՀՀ պաշտպանության նախարար Սեյրան Օհանյանն այցելել է ՀՀ ՊՆ կենտրոնական կլինիկական զինվորական հոսպիտալ:Փիրումյանը կազատվի զբաղեցրած պաշտոնիցԷդգար Փիրումյանը կազատվի բնապահպանության նախարարության աշխատակազմի ղեկավարի պաշտոնից:Լիլիթ Պիպոյանը Նատալյա Բելյաուսկենեի նոր ֆիլմի համար երաժշտություն է գրումՆատալյա Բելյաուսկենեն նոր գեղարվեստական լիամետրաժ ֆիլմ է նկարահանում:Մաքսատան մի շարք պաշտոնատար անձանց նկատմամբ քրեական գործ է հարուցվելԿատարվում է նախաքննություն:Համերգ` եզդի ժողովրդին զորակցելու նպատակովԿմասնակցեն Արտո Թունջբոյաջյանը, Արծրունի Progressive music act, Aram mp3, «Ոստան հայոց», «Բամբիռ», Dorians, Empyray, The beautified project խմբերը:Հայկ Կյուրեղյանին ներկայումս առաջադրված է երկու մեղադրանքՆա իրեն մեղավոր չի ճանաչում:Վարչապետի խորհրդականների թիվն ավելացավ եւս մեկով, նրանք այժմ 7-ն ենՕգնականների թիվը 5-ն է:Շահեն Տոնոյանը նշանակվել է դատախազԱրարատի մարզումՍեպտեմբերի 1-ից ներգաղթյալները կարող են Ռուսաստանի պատմության թեստ հանձնել ըստ ցանկությանՊատրաստվել է պատմության վերաբերյալ 100 հարց՝ 20-ական հարցով հինգ տարբերակ:


Իշխանությունների փրկությունն ընդդիմությանն ընդառաջելու մեջ է

Իշխանությունների փրկությունն ընդդիմությանն ընդառաջելու մեջ է
Քաղաքական
16:37 - 27.03.2013

Քաղաքական հարաբերություններում միշտ առկա է քաղաքական կոնֆլիկտ` կա'մ երկրի կառավարման հարցերում որոշումների կայացման հնարավորությունների, կա’մ անձնային, խմբային եւ այլ շահերի սպասարկման համար լրացուցիչ լծակների ձեռքբերման իմաստով:

 

Բայց քաղաքական ճգնաժամն ավելի խոր երեւույթ է, քան կոնֆլիկտները քաղաքական հարաբերություններում: Քաղաքական ճգնաժամի լրջագույն ցուցիչներից է ընդդիմության` իբրեւ ժողովրդավարական պետության գոյության հիմնական երաշխավորի, չեզոքացումը կամ ոչնչացումը իշխող քաղաքական ուժի կողմից: Լուրջ իշխանությունը, բնականաբար, գիտի, որ երբ խարխլում է ընդդիմադիր դաշտը եւ ընդդիմությանը զրկում կենսագործունեությունից, դրանով իսկ պարարտ հող է նախապատրաստում, որ ընդդիմադիր դաշտից նախկինում աննշան ու «անշառ» ուժերը կամ գործիչները առաջ մղվեն ու իրենց շուրջը համախմբեն ընտրազանգվածի ընդդիմադիր հատվածին:

 

Դա պարզ քաղաքագիտական ճշմարտություն է, որում մեկ անգամ եւս գործնականում համոզվեցինք. դրա վառ օրինակը Րաֆֆի Հովհաննիսյանն է, ով համախմբեց դժգոհ զանգվածը: Եվ երբ որեւէ ուժ կամ գործիչ սկսում է տիրապետել շատ մեծ ընտրազանգվածի, դա արդեն հիմք է տալիս նրան, որ իշխանությունների առջեւ թե’ պայման դնի, թե’ որոշակի պահանջներ ներկայացնի: Բնականաբար, դարձյալ առաջանում են քաղաքական կոնֆլիկտներ:

 

Քաղաքական կոնֆլիկտի խաղաղ կարգավորումը առավել հավանական է զարգացած օրենսդրության, խորհրդարանականության, քաղաքական կուսակցությունների համակարգի եւ այլ պայմաններում` խորհրդատվությունների, բանակցությունների, հնարավոր այլընտրանքների հետազոտության եւ փոխընդունելի լուծումների փնտրման միջոցով:

 

Սակայն Հայաստանում, երբ խորհրդարանում ընդդիմությունը չի կարող որեւէ դեր ունենալ, եթե քաղաքական մեծամասնությունը դա չուզի, իսկ վերջինս կարող է ընդունել ցանկացած օրենք կամ որոշում, քաղաքական կոնֆլիկտների կարգավորումը հնարավոր է կողմերի փոխզիջումների հիման վրա:

 

Երկխոսությունը հենց այն բանի համար է, որպեսզի կողմերը կարողանան հղկել այն հումքը, որը դրվում է որպես քննարկման թեմա հետագա բանակցությունների սեղանին: Այստեղ հարկավոր է զանազանել երկխոսությունը բանակցությունից եւ բանակցությունը` համագործակցությունից: Նույնիսկ ամենաոխերիմ թշնամիները երկխոսում են:

 

Այժմ Հայաստանի ներքաղաքական կյանքում, կարծես, սկսվում է երկխոսության փուլը իշխանության ու ընդդիմության ղեկավարների միջեւ: Մասնավորապես` Րաֆֆի Հովհաննիսյանը Ազատության հրապարակից Սերժ Սարգսյանին ներկայացրեց պահանջների նվազագույն շեմը: Սերժ Սարգսյանը պատասխանեց Րաֆֆի Հովհաննիսյանին եւ ասաց, որ իրեն հասցեագրված գրավոր նյութը կարող է օգնել` արդյունավետ երկխոսություն սկսելու համար: Մնացածն, ինչպես ասում են, տեխնիկական հարցեր են:

 

Հարց է առաջանում` մեր իրականության մեջ արդեն կա երկխոսության ոչ լավ փորձ ու վատ նախադեպ` կապված ՀԱԿ-իշխանություններ երկխոսության հետ, ո՞րն է երաշխիքը, որ այս փորձը եւս չի ձախողվի: Ակնհայտ է, որ երկուստեք կա շահերի համընկնում, որից, ի դեպ, կշահի հայաստանյան քաղաքական իրականությունն ու մեր պետությունը: Մասնավորապես` ընդդիմությունը կարող է հասնել քաղաքական որոշումների կայացման համար անհրաժեշտ որոշակի լծակների, իսկ իշխանություններին պարզապես օդ ու ջրի նման անհրաժեշտ է ընդդիմություն:

 

Հասկանալու համար, թե ինչու, պատկերացնենք, որ իշխանությունները համաձայնեցին այս բանակցություններին` ընդդիմադիր եւս մեկ շարժում մարելու, մի ալիք եւս չեզոքացնելու համար, ասել է թե` երկխոսությունը տապալելու: Այդ դեպքում ընդդիմությունը արդեն ուշքի չի գա, մենք դրա փորձն ունենք անցած խորհրդարանական ընտրություններից, կամավոր կհրաժարվի երկրի քաղաքական պրոցեսներին մասնակցելուց, քանի որ կհասկանա, որ իրեն գործելու համար երկու ուղղություն է մնում` կա'մ ծայրահեղ քայլերի դիմել, ինչին այս պահին Հայաստանում ընդդիմադիր ոչ մի ուժ չի գնա` հաշվի առնելով նաեւ մեր ողբերգական փորձն այս ուղղությամբ, կա’մ ուղղակի կգնահատի, որ ինքը որեւէ բան փոխելու հնարավորություն ու լծակ այսօր չունի, եւ իշխանություններին կթողնի միայնակ երկրի կառավարման գործում:

 

Իսկ այն դեպքում, երբ իշխանությունը դաշտում մնա մենակ, նորից առաջանում է քաղաքական կոնֆլիկտ, բայց այս անգամ արդեն հենց իշխանության ներսում: Որովհետեւ իշխանության մեջ արդեն կսկսվի ազդեցության լծակների վերաբաշխման խնդիրը, ու միեւնույն քաղաքական ուժի ներքին խումբ-խմբավորումները, կլանները կմտնեն պետական «կերակրատաշտից» առավել շատ օգտվելու համար մղվող պայքարի մեջ:

 

Սա միշտ ունենում է մի հետեւանք` տվյալ քաղաքական ուժը սկսում է ինքն իրեն մաշել ու կորցնում է նախ` միասնականությունը, հետո`դիմադրողականությունը, քանի որ երբեմնի թիմակիցները արդեն դառնում են ախոյաններ ու մրցակիցներ: Արդյունքում` տվյալ քաղաքական ուժը քայքայվում է:

 

Այս ամենը հաշվի առնելով` ներկայումս սկսված երկխոսությունը իշխանությունների փրկությունն է, քանի որ հակառակ դեպքում նրանք իրենք իրենց կսկսեն ոչնչացնել: Ի վիճակի կլինի՞, արդյոք, իշխանությունը հասկանալ այս պարզ իրողությունը…

 

Գեւորգ ԱՎՉՅԱՆ



Վերադառնալ
ԳլխաբառերՔաղաքական երկխոսություն ընդդիմության եւ իշխանության միջեւ|Սերժ Սարգսյան-Րաֆֆի Հովհաննիսյան երկխոսություն |Քաղաքական կոնֆլիկտ, ճգնաժամ


Կադրային լուրջ փոփոխություններ աշխատանքի և սոցիալական հարցերի նախարարությունում

Կադրային լուրջ փոփոխություններ աշխատանքի և սոցիալական հարցերի նախարարությունում09:19 - 02-09-2014 Համակարգում ողջունում են այս փոփոխությունը:
Մհեր Սեդրակյանի որդուն նոր՝ բավականին «յուղոտ» պաշտոնի են նշանակել

Մհեր Սեդրակյանի որդուն նոր՝ բավականին «յուղոտ» պաշտոնի են նշանակել09:07 - 02-09-2014 Դավիթ Սեդրակյանը նշանակվել է ՀՀ կառավարությանն առընթեր անշարժ գույքի կադաստրի պետական կոմիտեի ղեկավարի տեղակալ:
Մեդվեդեւը Հայաստան չի գա. պաշտոնական

Մեդվեդեւը Հայաստան չի գա. պաշտոնական11:50 - 01-09-2014 Նազարբաեւը չի բացառել, որ Ղազախստանը կարող է դուրս գալ ԵՏՄ-ից
ՊՆ-ում ներկայացվել է ՀՀ-ում Իրանի նորանշանակ ռազմական կցորդը

ՊՆ-ում ներկայացվել է ՀՀ-ում Իրանի նորանշանակ ռազմական կցորդը17:41 - 29-08-2014 Դեսպան Ռեիսին ՀՀ պաշտպանության նախարարին ներկայացրել է նորանշանակ ռազմական կցորդին:
Նալբանդյանն Էրդողանին է հանձնել Սերժ Սարգսյանի պաշտոնական հրավերը

Նալբանդյանն Էրդողանին է հանձնել Սերժ Սարգսյանի պաշտոնական հրավերը11:32 - 29-08-2014 Ներկա էր Թուրքիայի նախագահի պաշտոնի ստանձնման արարողությանը
Դմիտրի Մեդվեդևի՝ սեպտեմբերի առաջին շաբաթվա ընթացքում նախատեսված այցը դեռ հաստատ չէ

Դմիտրի Մեդվեդևի՝ սեպտեմբերի առաջին շաբաթվա ընթացքում նախատեսված այցը դեռ հաստատ չէ10:05 - 29-08-2014 Չի բացառվում, որ ՌԴ վարչապետի այցը չկայանա:
ՌԴ դեսպանը վերջերս շատ հաճախ հանդիպումներ է ունենում ԱԺ ոչ իշխանական ուժերի հետ

ՌԴ դեսպանը վերջերս շատ հաճախ հանդիպումներ է ունենում ԱԺ ոչ իշխանական ուժերի հետ09:57 - 29-08-2014 Դեսպանը երբեմն նաև ճաշկերույթների է մասնակցում նրանց հետ, քննարկում իրենց անելիքները:
ԱՄՆ-ում քննարկվել է ԼՂՀ անկախությունը Միացյալ նահանգների Դաշնային իշխանության կողմից ճանաչելու հարցը

ԱՄՆ-ում քննարկվել է ԼՂՀ անկախությունը Միացյալ նահանգների Դաշնային իշխանության կողմից ճանաչելու հարցը09:53 - 29-08-2014 Հայ-ադրբեջանական սահմանին իրավիճակի` օգոստոսյան սրման օրերին
Սերժ Սարգսյանի երդման արարողությանն էլ Վրաստանում Թուրքիայի դեսպանն էր ներկա…Շավարշ Քոչարյան

Սերժ Սարգսյանի երդման արարողությանն էլ Վրաստանում Թուրքիայի դեսպանն էր ներկա…Շավարշ Քոչարյան13:45 - 28-08-2014 Թե ի՞նչ կտա Հայաստանին այդ մասնակցությունը, Շավարշ Քոչարյանն, ըստ էության, հստակ պատասխաններ չտվեց:
Կալիֆոռնիայի սենատի որոշումը կարևոր էր, հատկապես` Ադրբեջանի ռազմատենչ հայտարարությունների սաստակցմանը գուգահեռ

Կալիֆոռնիայի սենատի որոշումը կարևոր էր, հատկապես` Ադրբեջանի ռազմատենչ հայտարարությունների սաստակցմանը գուգահեռ10:35 - 28-08-2014 Սույն բանաձևի որդեգրումը հայ ժողովրդի վճռական հաղթանակն է:
Կալիֆոռնիայի սենատը ճանաչեց ԼՂՀ անկախությունը

Կալիֆոռնիայի սենատը ճանաչեց ԼՂՀ անկախությունը10:07 - 28-08-2014 Բանաձևն աջակցում է Լեռնային Ղարաբաղի Հանրապետության ջանքերին` զարգանալ որպես ազատ և անկախ պետություն:
Էդվարդ Նալբանդյանը հեռախոսազրույց է ունեցել Արգենտինայի ԱԳ նախարարի հետ

Էդվարդ Նալբանդյանը հեռախոսազրույց է ունեցել Արգենտինայի ԱԳ նախարարի հետ14:23 - 27-08-2014 Կարևորել են երկու երկրների արտգործնախարարությունների միջև պարբերական խորհրդակցությունների անցկացումը։
Կալիֆոռնիայի սենատն ընդունել է Հայոց ցեղասպանության դասավանդման մասին բանաձևը

Կալիֆոռնիայի սենատն ընդունել է Հայոց ցեղասպանության դասավանդման մասին բանաձևը12:28 - 27-08-2014 Նախագիծը հեղինակել է սենատի անդամ Ադրին Նազարյանը:
Արցախի անկախությանը աջակցող բանաձևը քվեարկության կդրվի Կալիֆոռնիայի սենատում

Արցախի անկախությանը աջակցող բանաձևը քվեարկության կդրվի Կալիֆոռնիայի սենատում12:13 - 27-08-2014 Բանաձևն աջակցում է Լեռնային Ղարաբաղի Հանրապետության ջանքերին:
Ադրբեջան-Վրաստան-Թուրքիա ռազմական բլոկ ստեղծելը Կոմանդոսը ռեալ չի համարում

Ադրբեջան-Վրաստան-Թուրքիա ռազմական բլոկ ստեղծելը Կոմանդոսը ռեալ չի համարում14:46 - 26-08-2014 Նոր ռազմական բլոկ ստեղծելը շատ դժվար



Ամենաշատ ընթերցվածները




Նորություններ




Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Տարադրամի փոխարժեք 02.09.2014
RUB :: 10.97
USD :: 411.26
EUR :: 540.35
Մենք

Yandex.Metrica