Գաղտնիության շղարշի տակ 
10:14 - 27.01.2012Կառավարման օպերատորի մրցույթի միակ հայտատուն, ինչպես հայտնի է, գերմանական CAC ընկերությունն է, որը մասնագիտացած է քիմիական արտադրության մեջ: Այս սեղմ, ըստ էության, քիչ բան ասող տեղեկատվությունը ժամանակ առ ժամանակ լրացվում է իրավասուներից մեկնումեկի կեսբերան հայտարարությամբ:
Էներգետիկայի եւ բնական պաշարների նախարարը տարեվերջյան ասուլիսում հայտնեց, որ CAC ընկերությունը պատրաստ է աջակցել քլորի եւ կաուստիկ սոդայի արտադրամասերի արդիականացմանը: Այսքանը: Բայց չէ՞ որ կառավարող օպերատորի գործունեության վերջնանպատակը «Նաիրիտի» զարգացման վերակառուցման ծրագրի իրագործումն է, արդյունքում` գործարանի այցեքարտ հանդիսացող կաուչուկը միջազգային շուկայում մրցունակ դարձնելը:
Արդյո՞ք նշյալ գերմանական ընկերությունը երբեւէ զբաղվել է կաուչուկի արտադրությամբ, հայտնի չէ, ինչպես հայտնի չեն ընկերության գործունեության այլ մանրամասներ: Այստեղից էլ` հանրության մեջ կասկածները, թե կառավարության առաջնային նպատակը ոչ թե «Նաիրիտի» արտադրական կարողությունների վերականգնումն ու նոր շուկաների ձեռքբերումն է, այլ ԵվրԱզԷս-ից ամեն գնով մի քանի հարյուր միլիոն դոլար կպցնելը. գրողի ծոցը, թե ով կլինի այդ օպերատորը, մանավանդ, որ մրցույթի համար հայտատուները գլուխ չեն կոտրում: Մյուս կողմից էլ` կառավարությունը եւս առանձնապես չի թաքցնում իր մտադրությունները:
Այդ մասին հոկտեմբերին կայացած տնտեսական համաժողովի ժամանակ նաեւ վարչապետն է խոսել: Անդրադառնալով ԵվրԱզԷս-ի շրջանակում գործող հակաճգնաժամային հիմնադրամից ակնկալվող ֆինանսական աջակցությանը` նա բառացիորեն ասել է. «Այս պահին անհրաժեշտ է, որպեսզի ունենանք օպերատոր, որը պատրաստ է իր վրա վերցնել «Նաիրիտի» մենեջմենթը: Մեզ համար կարեւոր է նաեւ, որ այդ վարկը տրամադրվի օպերատորի առկայության դեպքում, որպեսզի կառավարությունն իր վրա լրացուցիչ ռիսկեր չվերցնի»: Խոսքը, մասնավորապես, 400 մլն դոլարանոց ռիսկի մասին է, որի շուրջ այժմ էլ ԵվրԱզԷս-ի հետ բանակցություններ են վարվում:
Նկատենք, որ «Նաիրիտի» բաժնետոմսերի 10 տոկոսի սեփականատերը էներգետիկայի եւ բնական պաշարների նախարարությունն է, իսկ մնացած 90 տոկոսի սեփականատերը` «Ռայնովիլ Փրոփրթի Լիմիթեդ» ընկերությունը, որի ձախողված գործունեության հետեւանքով Խորհրդային միության երբեմնի հսկան արդեն երկու տարի փաստացի պարապուրդի է մատնված: Ընկերությունը կքած է հսկայական պարտքերի տակ, այդ թվում` վարկային պարտավորությունների աշխատավարձերի մարման մասերով: Ներկայում, ինչպես տեղեկացրեց ընկերության մամուլի քարտուղարը, դեռեւս 4 ամսվա աշխատավարձեր մարված չեն: Իսկ գործարանի` միայն Միջպետական բանկին ունեցած պարտքը 120-130 հազար դոլարի սահմաններում է: Մեր տեղեկություններով` այլ բանկերին եւս պարտքեր կան: Այնպես որ` լավ օրից չէ «կառավարման օպերատորի» փնտրտուքը: Միայն թե գաղտնիության այս շղարշն է անհասկանալի, որ տիրում է, առհասարակ, «Նաիրիտի» վերաբերյալ ցանկացած հարցում:
Թամարա ՂԱԼԵՉՅԱՆ
Վերադառնալ
18:00 - 22/02/2012 Թռչնամսի պահանջարկը տարեկան կազմում է 45-50 հազար տոննա:ՀԲ-ն 15 մլն դոլար է ուղղել Հայաստանի ջրամատակարարման բարելավմանը
17:39 - 22/02/2012 Ծրագրով նախատեսվում է բարելավել ջրի որակը եւ ջրամատակարարումը Արագածոտնի, Արարատի եւ Արմավիրի մարզերում:GeoProMining Gold-ը կներկրի 600 տոննա նատրիումի ցիանիդ
19:50 - 21/02/2012 Կառավարությունը թույլատրելու է` արտադրական կարիքների համար:Թանկարժեք ավտոմեքենաների ներմուծումը նվազել է
17:41 - 21/02/2012 Ինչպես Հայաստանում, այնպես էլ ամբողջ աշխարհում ավտոմեքենան առաջին անհրաժեշտության ապրանք չէ:Ուղղորդում են
17:15 - 21/02/2012 Պետական համակարգում սոցիալական փաթեթի ներդրման գործընթացը մեկնարկել է:
